Sign In 
នៅថ្ងៃទី០៥ ខែមេសា ឆ្នាំ២០២០ នេះសមត្ថកិច្ចជំនាញនៃការិយាល័យបទល្មើសគ្រឿងញៀន កងរាជអាវុធហត្ថខេត្តស្វាយរៀង បានបញ្ជូនខ្លួនជនសង្ស័យម្នាក់ទៅកាន់តុលាការដើម្បីផ្តន្ទាទោសតាមផ្លូវច្បាប់ពាក់ព័ន្ធនឹងករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
ជនសង្ស័យមានឈ្មោះ ចាន់ សាយ័ន្ត ភេទប្រុស អាយុ ២៨ឆ្នាំ មានទីលំនៅភូមិរោងបន្លែ សង្កាត់ស្វាយរៀង ក្រុងស្វាយរៀង ខេត្តស្វាយរៀង ត្រូវបានឃាត់ខ្លួនកាលពីថ្ងៃទី០៣ ខែមេសា ឆ្នាំ២០២០។
ក្នុងនោះផងដែរសមត្ថកិច្ចជំនាញធ្វើការដកហូតវត្ថុតាងបានរួមមាន ម្សៅក្រាមពណ៌សថ្លាចំនួន ០១កញ្ចប់ ទូរសព្ទដៃចំនួន ០២គ្រឿង កាបូបក្រវាត់ចង្កេះចំនួន០១ និងសម្ភារប្រើប្រាស់គ្រឿងញៀនមួយចំនួនទៀតផងដែរ៕ ដោយ ៖ សុង យូ
