ក្រោយពេលរដ្ឋាភិបាល Serbia ស្នើឲ្យជួយទប់ស្កាត់កូវីដ-១៩​នោះមក ប្រធានាធិបតីរុស្ស៊ី លោក ពូទីន​ បានចុះហត្ថលេខាលើច្បាប់ ឲ្យបង្កើតក្រុមទៅជួយដល់ប្រទេសនេះជាបន្ទាន់ ដើម្បីទប់ស្កាត់​ការឆ្លង​រាលដាល នៃកូវីដ-១៩។

សារព័ត៌មាន​ RIA ​បានផ្សាយថា ក្រសួងការពារជាតិរុស្ស៊ី បានបញ្ជូនយន្តហោះយោធា Il-76 ដឹកសម្ភារបរិក្ខារពេទ្យទៅជួយដល់ប្រទេស Serbia ដើម្បីជួយទប់ស្កាត់ឆ្លងរាលដាល នៃកូវីដ-១៩។

ក្រសួងការពារជាតិរុស្ស៊ី បានបញ្ជូនអ្នកឯកទេស នៃវីរុស ចំនួន​៨៧នាក់ និងគ្រូពេទ្យយោធា រួមទាំងសម្ភារបរិក្ខារពេទ្យជាច្រើនទៅកាន់ប្រទេស Serbia ។ រីឯជំនួយរបស់រុស្ស៊ីត្រូវដឹកជញ្ជូនតាមយន្តហោះដល់ទៅ​១១​ជើង។

យន្តហោះ Il-76 របស់កម្លាំងទាហានអាកាសរុស្ស៊ី បានចុះចតនៅអាកាសយានដ្ឋានយោធា​ Batainitsa ជិតរដ្ឋធានី Belgrade។ រហូតមកដល់ពេលនោះ នាយករដ្ឋមន្ត្រី​ Brnabich និងរដ្ឋមន្ត្រីការពារជាតិ Alexander Vulin រួមទាំងមន្ត្រីជាន់ខ្ពស់ ក្នុងជួរដ្ឋាភិបាលជាច្រើននាក់ទៀត បានទៅកាន់អាកាសយានដ្ឋាន ដើម្បីទទួលជំនួយទាំងនោះ។

នាយករដ្ឋមន្ត្រី  Serbia លោក​ Ana Brnabich ​ក៏បានថ្លែងអំណរគុណដល់ថ្នាក់ដឹកនាំរុស្ស៊ី​ដែលបានជួយដល់ប្រទេសរបស់លោក នៅក្នុងសង្គ្រាមប្រឆាំងនឹង​កូវីដ-១៩។  បច្ចុប្បន្ន Serbia ​មាន​ករណីស្លាប់​ដោយកូវីដ-១៩ កើនឡើងដល់ ៣១នាក់ហើយ និងមានអ្នកឆ្លងកើនឡើងដល់​១១៧១នាក់​៕ ប្រែសម្រួលដោយ MEO

from： https://tnaot.com/km/m/detail/article/9101547