រដ្ឋាភិបាលជប៉ុន នៅថ្ងៃទី៣ ខែមេសា ​បានស្នើដល់អ្នកជំងឺ ដែលមិនមានអាការៈធ្ងន់ សម្រាកព្យាបាលនៅក្នុងផ្ទះ ដើម្បីទុកគ្រែឲ្យអ្នកជំងឺធ្ងន់ សម្រាប់ព្យាបាល​ ដោយអ្នកធ្ងន់ត្រូវការ​ម៉ាស៊ីនជំនួយដកដង្ហើម​។

សារព័ត៌មានរ៉យទ័រ បានផ្សាយថា សំណើខាងលើរបស់រដ្ឋាភិបាល បានបង្ហាញយ៉ាងច្បាស់ អំពីក្តីព្រួយបារម្ភ ​នៅក្នុងកង្វះកន្លែងព្យាបាល ខណៈអ្នកឆ្លងកូវីដ-១៩ នៅក្នុងប្រទេសនេះបានកើនឡើងខ្ពស់។

ពេលថ្មីៗនេះ មហាសេដ្ឋី ​Hiroshi Mikitani និងមន្ត្រីជាន់ខ្ពស់មួយចំនួន បានស្នើឲ្យរដ្ឋាភិបាល ប្រកាសអាសន្នទូទាំងប្រទេស ដើម្បីទប់ស្កាត់ការឆ្លងរាលដា​ល។

បច្ចុប្បន្ន​អ្នកជំងឺ ទាំងធ្ងន់ និងស្រាល គឺបានព្យាបាល នៅក្នុងមន្ទីរពេទ្យទាំងអស់ ​ធ្វើឲ្យមន្ទីរពេទ្យពេញទាំងអស់ ពិបាកក្នុងការបញ្ជូនអ្នកជំងឺថ្មី​មកព្យបាល​។

ជប៉ុនមានករណីឆ្លងថ្មីកើនឡើងខ្ពស់ ​​ក្នុងរយៈពេលចុងក្រោយនេះ​​។ បើគិតមកដល់ថ្ងៃទី​២ ខែមេសា ជប៉ុន មានអ្នកឆ្លងកូវីដ-១៩ កើនឡើងដល់ទៅ​២៨០០នាក់ និងស្លាប់​៧៣នាក់។ ទីក្រុងតូក្យូ ជាកន្លែង​មានអ្នក​ឆ្លង​ច្រើន​ជាងគេ គឺមានរហូតដល់ទៅ៦៨៤ករណី​ ប៉ុន្តែបើប្រៀបធៀបពលរដ្ឋរស់នៅដល់ទៅ​១៤លាននាក់ ក្នុងទីក្រុងនេះ គឺអ្នកឆ្លងតិចតួចប៉ុណ្ណោះ ៕ ប្រែសម្រួលដោយ៖ MEO

from： https://tnaot.com/km/m/detail/article/9100236