Sign In 
បច្ចុប្បន្នក្នុងកាលៈទេសៈដែលជំងឺកូវីដ១៩ កំពុងវាយលុក បណ្ដាប្រទេសជាច្រើនកំពុងមានការព្រួយបារម្ភជាខ្លាំង ដោយប្រឹងប្រឺងចាត់វិធានការការពារជាបន្តបន្ទាប់ដើម្បីប្រយុទ្ធប្រឆាំងនឹងជំងឺរាតត្បាតនេះ។ ក្នុងពេលវេលាដ៏លំបាកនេះ ក៏មានការចូលរួមពីសប្បុសជនឧបត្ថម្ភថវិកា និងជាជំនួយផ្សេងៗ។ ជាក់ស្ដែងប្ដីប្រពន្ធតារាសម្ដែងហ្វីលីពីនក៏បានចូលរួមដើម្បីលើកទឹកចិត្តក្នុងដំណើរនៃការតស៊ូប្រឆាំងនេះដែរ។
ប្ដីប្រពន្ធ Dingdong Dantes និង Marian Rivera បានត្រៀមអាហារពេលល្ងាចជូនដល់ ក្រុមគ្រូពេទ្យ ឬអ្នកសង្គ្រោះនៃមន្ទីរពេទ្យ Quezin City General Hospital ដើម្បីលើកទឹកចិត្ត និងអរគុណចំពោះការខិតខំប្រឹងប្រែងចំពោះអ្នកដែលជួយខ្នះខ្នែងក្នុងប្រតិបត្តិការជួយសង្គ្រោះជីវិតមនុស្សក្នុងពេលនេះដោយមិនគិតពីការហត់នឿយ។
ចំពោះអាហារដែលបានរៀបចំនោះ ជាមុខម្ហូបប្រចាំគ្រួសាររបស់នាងមានឈ្មោះថា Menudo ធ្វើត្រៀមជាពិសេសសម្រាប់មនុស្ស ២០០នាក់ ហើយក៏ជាការចម្អិនដោយផ្ទាល់ដៃរបស់ Marian Rivera ដោយមានជំនួយពីស្វាមី Dingdong ផងដែរ។
លើសពីនេះ ម៉ារីម៉ាក៏បាននិយាយដែរថា នាង និងគ្រួសារនៅតែនៅក្នុងផ្ទះដដែល មិនចេញទៅក្រៅនោះទេ ប៉ុន្តែសកម្មភាពពេលនេះ នាងគ្រាន់តែចង់បង្ហាញនូវការលើកទឹកចិត្តចំពោះក្រុមគ្រូពេទ្យសម្រាប់ការលះបង់ក្នុងគ្រាលំបាកមួយនេះហើយតស៊ូយកឈ្នះលើជំងឺនោះឲ្យបាន៕
អត្ថបទ៖ ផេង ផលធិតា ប្រភព៖kenh14
