Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

កូរ៉េខាងជើងបញ្ជាក់ថា មិនមានករណីឆ្លងកូវីដ-១៩ នៅប្រទេសនេះឡើយ

កូរ៉េខាងជើង នៅតែបញ្ជាក់ថា ប្រទេសរបស់ខ្លួន មិនមានករណីឆ្លងកូវីដ-១៩ណាមួយ នៅក្នុងប្រទេសនេះឡើយ បើទោះជានៅលើពិភពលោក មានករណីឆ្លងកើនឡើងដល់ជាង​១លាននាក់ហើយក្តី ។ ទោះជាយ៉ាងណា ប្រទេស​លោកខាងលិច ជាពិសេស អាមេរិកនៅតែមិនជឿថា កូរ៉េខាងជើងមិនមានឆ្លងវីរុសកូវីដ១៩នោះឡើយ​។

មន្ត្រីជាន់ខ្ពស់​ នៃវិស័យសុខាភិបាលកូរ៉េខាងជើង បានឲ្យដឹងថា កូរ៉េខាងជើងនៅមិនទាន់មានករណីឆ្លងនៅឡើយ។ លោក ​Pak Myong Su មន្ត្រីសុខាភិបាលទទួលបន្ទុកការប្រយុទ្ធប្រឆាំងនឹងកូវីដ-១៩​ បានបញ្ជាក់ថា  ការខិតខំប្រឹងប្រែងប្រឆាំងនឹងកូវីដ-១៩ ​​នៅក្នុងប្រទេសកូរ៉េខាងជើង ទទួលបានជោគជ័យ​ទាំងស្រុង ដោយសារតែកូរ៉េខាងជើងបានបិទព្រំដែន ​តាំងពីពេលដំបូង នៃការផ្ទុះឡើងប៉ុន្មានករណី នៅក្នុងប្រទេសចិន។

រហូតមកទល់ពេលនេះ កូរ៉េខាងជើងទប់ស្កាត់ឆ្លងកូវីដ-១៩​បានយ៉ាងល្អបំផុត​ ខណៈមានប្រទេស និងដែនដីចំនួន២០៤ នៅលើពិភពលោក បានឆ្លងវីរុសដ៏កាចសាហាវមួយនេះ។ ដោយមិនមានអ្នកឆ្លង កូរ៉េខាងជើងបានសម្រេចលើកលែងការរឹតត្បិតធ្វើដំណើរពាក់ព័ន្ធនឹងការឆ្លងរាលដាល នៃកូវីដ-១៩ដល់ជនបរទេស ដោយអនុញ្ញាតឲ្យចេញទៅក្រៅ​ទិញសម្ភារ ឬទៅភោជនីយដ្ឋានបានតាមធម្មតា​។

អគ្គរដ្ឋទូតរុស្ស៊ី ប្រចាំនៅកូរ៉េខាងជើង កាលពីថ្ងៃទី​២ ខែមេសា បានបញ្ជាក់ថា កូរ៉េខាងជើងបានបន្ធូរបន្ថយច្បាប់រឹតត្បិត​ ក្រោយពេលមិនមានអ្នកឆ្លងកូវីដ-១៩ នៅក្នុងប្រទេសនេះ​។ ប៉ុន្តែការធ្វើ​ដំណើរចេញទៅក្រៅ ចាំបាច់ត្រូវតែពាក់ម៉ាស់ការពារ​ជានិច្ច។

ទោះជាយ៉ាងនេះក្ដី អាមេរិកនៅតែមិនជឿថា កូរ៉េខាងជើងគ្មានអ្នកឆ្លងកូវីដ-១៩នោះឡើយ។ នាយឧត្ដមសេនីយ៍ នៃកងទ័ពអាមេរិក លោក រ៉ូប៊ឺត អាប្រាមស៍ (Robert Abrams) បាននិយាយថា លោកមិនជឿទាល់តែសោះដែលថា កូរ៉េខាងជើងមិនមានករណីឆ្លង COVID-19 ណាមួយនោះ៕ ប្រែសម្រួលដោយ៖ MEO

from: https://tnaot.com/km/m/detail/article/9100147