ក្រោយពេលចំនួនអ្នកឆ្លង និងស្លាប់នៅលើទឹកដីអាមេរិក បានកើតឡើង ជាង២៤ម៉ឺននាក់នោះមក ប្រធានាធិបតីអាមេរិក ក៏បានធ្វើតេស្ដជាលើកទី២ ដើម្បីស្វែងរកវីរុសកូវីដ១៩ តែលទ្ធផលអវិជ្ជមាន នៃវីរុសនេះ។

លោក ដូណាល់ ត្រាំ ប្រធានាធិបតីអាមេរិក បានថ្លែងថា លោក​បានទទួលការធ្វើតេស្ដជាលើកទី២ កាលពីថ្ងៃទី២ ខែមេសា ឆ្នាំ២០២០។ ប៉ុន្ដែលទ្ធផលអវិជ្ជមាន នៃវីរុសកូវីដ១៩នេះ។ ការធ្វើតេស្ដនេះ ដោយប្រើប្រាស់ ឧបករណ៍ធ្វើរោគវិនិច្ឆ័យមានល្បឿនលឿន ក្នុងរយៈពេលមិនដល់​១៥នាទីផង។ បើតាមឧបករណ៍ធ្វើតេស្ដនោះ រកឃើញថា លោកមិនមានការឆ្លងវីរុសនោះឡើយ។

លោក Jared Kushner ទីប្រឹក្សាជាន់ខ្ពស់របស់សេតវិមាន ជាសមាជិក នៃកងកម្លាំងប្រយុទ្ធប្រឆាំងនឹងវីរុសកូរ៉ូណា​ បានថ្លែងថា រដ្ឋាភិបាលបានបញ្ជូនម៉ាស់ការពារ N-95 សម្រាប់ផ្គត់ផ្គង់​ដល់បណ្ដាមន្ទីរពេទ្យ សាធារណៈ នៅក្នុងទីក្រុងញូវយ៉ក ដើម្បីជួយដល់បុគ្គលិកពេទ្យទាំងអស់។

យោងតាមវើលដូម៉ែទ័រ បានចេញផ្សាយ កាលពីវេលាម៉ោង៩ព្រឹក ថ្ងៃទី៣ ខែមេសា ឆ្នាំ២០២០ (ម៉ោងនៅកម្ពុជា) បានឲ្យដឹងថា នៅលើទឹកដីអាមេរិក មានអ្នកឆ្លងវីរុសកូវីដ១៩ កើនឡើង រហូតដល់២៤៥០៦៦នាក់ ក្នុងនោះចំនួនអ្នកស្លាប់កើនឡើង ៦០៧៥នាក់ និងជាសះស្បើយ១០៤០៣នាក់។

រហូតមកដល់ពេលនេះ អាមេរិកកំពុងតែរងនូវការរាតត្បាតពីវីរុសរលាកផ្លូវដង្ហើមប្រភេទថ្មី ឬវីរុសកូរ៉ូណា ហៅកាត់ កូវីដ១៩ (Coronavirus disease 2019) យ៉ាងខ្លាំងជាងគេបំផុត នៅលើពិភពលោក ធ្វើឲ្យប្រទេស មហាអំណាចលេខ១ ទាំងសេដ្ឋកិច្ច និងយោធា​​របស់ពិភពលោកមួយនេះ ឈរលេខ១ នៃតារាងកូវីដ១៩។ រីឯប្រទេសបន្ទាប់ គឺអ៊ីតាលី មានអ្នកឆ្លងកើនឡើង រហូតដល់ជាង១១៥២៤២នាក់ ក្នុងនោះស្លាប់​ជាង១៣​ពាន់នាក់។ ចំណែកប្រទេសឈរលំដាប់លេខ៣ បន្ទាប់ពីអ៊ីតាលី គឺអេស្ប៉ាញ មានអ្នកឆ្លងចំនួន ១១២០៦៥នាក់ ក្នុងនោះស្លាប់១០៣៤៨នាក់។

ដោយឡែកប្រទេសចិន ជាទីផ្ទុះឡើង នៃដំបូង នៅទីក្រុងវូហាន ខេត្តហ៊ូប៉ី រហូតមកដល់ពេលនេះ ចិនគ្រប់គ្រងស្ថានការណ៍បានទាំងស្រុង ដោយមានអ្នកឆ្លង ៨១ ៥៨៩នាក់ ក្នុងនោះស្លាប់៣៣១៨នាក់ និង​ជា​សះ​ស្បើយ​៧៦៤០៨នាក់។ ប្រទេសចិនមានធ្លាក់ចំណាត់ថ្នាក់ មកនៅត្រឹមលេខ៥ នៃចំនួនអ្នកឆ្លងច្រើន នៅលើពិភពលោក៕ ប្រែសម្រួលដោយ Nuon

from： https://tnaot.com/km/m/detail/article/9099657