បាល់ទាត់៖ អតីតប្រធានក្លិប Olympique Marseille លោក Pape Diouf បានទទួលមរណភាពក្នុងអាយុ ៦៨ឆ្នាំបន្ទាប់ពីឆ្លងជំងឺ Covid-19 នេះបើតាមសេចក្តីប្រកាសរបស់ក្លិបនៅ Ligue 1 ។ បុរសសញ្ជាតិសេណាហ្កាល់រូបនេះ ធ្លាប់ជាប្រធានក្លិបនៅចន្លោះឆ្នាំ២០០៥ និង ២០០៩ នៅពេលដែល Marseille ជាជើងឯករងក្របខណ្ឌបារាំង Ligue 1 ពីរលើក និងឡើងវគ្គផ្ដាច់ព្រ័ត្រ French Cup ពីរលើក មុនពេលដែល Marseille ក៏គ្រងជើងឯក Ligue 1 លើកដំបូងក្នុងរយៈពេល ១៨ឆ្នាំនៅឆ្នាំ២០១០។

Ligue de Football Professionnel (LFP) បាននិយាយថា បុរសដែលធ្លាប់អ្នកកាសែត ជាភ្នាក់ងារ និងជាប្រធានក្លិប Olympique de Marseille លោក Pape Diouf បានលះបង់ពេញមួយជីវិតរបស់គាត់ក្នុងការបម្រើបាល់ទាត់។ អតីតខ្សែប្រយុទ្ធក្រុមជម្រើសជាតិបារាំង និង Liverpool, Djibril Cisse បានលេងឱ្យក្រុម Marseille នៅពេលដែលលោក Diouf ទទួលបន្ទុកជាប្រធានក្លិប៕

អត្ថបទ៖នាង សុភាវុធ

from： https://tnaot.com/km/m/detail/article/9097951