Sign In 
ភ្នំពេញ៖ នៅថ្ងៃទី២ ខែមេសា ឆ្នាំ២០២០នេះ សមត្ថកិច្ចខណ្ឌទួលគោក បានចាប់ខ្លួនបុរសម្នា់ឈ្មោះ វ៉ាន់ សុខសីហា រហ័ស្សនាមគ្រូអគ្គិនេត្រ ក្រោយបង្ហោះថា ចេះធ្វើយ័ន្តការពារជំងឺកូវីដ១៩ ។
ទោះបីយ៉ាងណា ពុំអាចសុំការបញ្ជាក់បន្ថែមពីលោក សុខ ហេង អធិការនគរបាលខណ្ឌទួលគោក បាននៅឡើយទេ ដោយសារទូរស័ព្ទចូលគ្មានអ្នកទទួល ។ ហើយខណៈពេលនេះសមត្ថកិច្ច កំពុងតែសាកសួជនសង្ស័យខាងលើ នៅអធិការដ្ឋាននគរបាលខណ្ឌទួលគោក ។
សូមរម្លឹកថា កាលពីខែកញ្ញា ឆ្នាំ២០១៧ កន្លងទៅ គ្រូអគ្គិនេត្រ ធ្លាប់ត្រូវបានសមត្ថកិច្ចមន្ទីរប្រឆាំងគ្រឿងញៀនឃាត់ខ្លួនម្តងរួចមកហើយ ពាក់ព័ន្ធករណីគ្រឿងញៀន ។ ប៉ុន្តែក្រោយជាប់ឃុំបានមួយរយៈ គ្រូអគ្គិនេត្រ ត្រូវបានដោះលែងឱ្យមានសេរីភាពឡើងវិញនាពេលថ្មីៗនេះប៉ុណ្ណោះ៕ ដោយ៖ សាម
