ក្លឹប Ajax បានសម្រេចបញ្ចប់កុងត្រារបស់កីឡាករ Abdelhak Nouri ដែលបានរងនូវបញ្ហាប៉ះទង្គិចខួរក្បាលយ៉ាងធ្ងន់ធ្ងរ រហូតដល់ថ្នាក់ដួលសន្លប់អស់រយ:ពេលជាង៣ឆ្នាំ អំឡុងការប្រកួតមិត្ដភាពកាលពីឆ្នាំ២០១៧។

ក្នុងអំឡុងការសន្លប់របស់គេនេះ Ajax នៅតែបន្ដផ្ដល់នូវថៃ្លនឿយហត់របស់គេជាធម្មតា ដែលកុងត្រានោះនឹងត្រូវបន្ដនៅថៃ្ងទី១ ខែកក្កដា ខាងមុខ ប៉ុន្ដែក្លឹបបានសម្រេចបញ្ចប់កុងត្រានេះតែម្ដង, នេះបើតាមសេចក្ដីរាយការណ៍របស់ប្រព័ន្ធផ្សព្វផ្សាយក្នុងប្រទេសហូឡង់ បានរាយការណ៍កាលពីថៃ្ងអង្គារ កន្លងទៅ។

សូមបញ្ជាក់ថា ខ្សែ​បម្រើ​វ័យ​ ២២​ឆ្នាំ​រូប​នេះ​បាន​ភ្ញាក់​ដឹង​ស្មារតី​វិញ​នេះ​ដោយ​អាច​ត្រឹម​ញាក់​ចិញ្ចើម​ទាំង​សង​ខាង​ប៉ុណ្ណោះ​តែ​មិន​ទាន់​អា

ច​​ដើរ​ និង​និយាយ​បាន​នៅ​ឡើយ​ទេ​។

Nouri បានរងនូវបញ្ហាដ៏ធ្ងន់ធ្ងរនេះ កាល​ពី​ប្រកួត​មិត្តភាព​រវាង​ក្លឹប​ Ajax និង​ក្លឹប​ Werder Bremen នៅ​ថ្ងៃ​ទី​០៨​ខែ​កក្កដា​ ឆ្នាំ​២០១៧​ ហើយរូបគេ ក៏​បាន​សន្លប់​បាត់​ស្មារតី​ដោយ​សារ​តែ​ខួរ​ក្បាល​មាន​បញ្ហា​យ៉ាង​ធ្ងន់ធ្ងរ​ បន្ទាប់​ពី​មាន​ជំងឺ​គាំង​បេះ​ដូង​៕

ប្រភព៖ ESPN

from： https://tnaot.com/km/m/detail/article/9095542