ក្រុមអង្គការសិទ្ធិសត្វនៃប្រទេសថៃ (WDT) បានព្រមាននៅថ្ងៃនេះថា ​នឹងកាត់ទោសជនណា​ដែលបានចាប់​សត្វមាន់​និងចម្អិននៅក្នុងរណ្តៅ បន្ទាប់ពីមានអ្នកបង្ហោះរូបម្ហូបនោះហើយវាបានរាលដាលពេញអ៊ីនធឺណិត។

​

ឆានែលយូ​ធូបឈ្មោះ Mom Tanad Dak” បានចាប់ផ្តើម​បង្ហាញ“ រូបមន្តប្លែកៗ” នៃការធ្វើម្ហូប។ ក្នុងនោះគេបាន​កប់សត្វមាន់ទាំងរស់ដោយបន្សល់ទុកតែក្បាលនៅលើដីប៉ុណ្ណោះ។ បន្ទាប់មក​គេដាក់ទឹកដូងឱ្យមាន់នោះផឹករយៈពេលពីរសប្តាហ៍ មុនពេល​គេយកវាចេញដើម្បីបង្ហាញថាមាន់នោះ​អស់រោមនៅស្លាបខាងឆ្វេង។ ​ក្រោយមកទៀតគេសម្លាប់និងដុតវា​ឱ្យមានរសជាតិឆ្ងាញ់ ដោយអ្នកធ្វើវីដេអូបានបង្ហាញថា វាមានរសជាតិឆ្ងាញ់ដូចសាច់មាន់លាយទឹកដូងខ្ទិះពីធម្មជាតិ ព្រោះក្នុងខ្លួនមាន់នោះសុទ្ធតែទឹកដូង។ ​​អ្នកខមិនបានបង្ហោះសាររបស់ខ្លួនយ៉ាងច្រើននៅខាងក្រោមវីដេអូនោះថា «វាគួរឱ្យខ្ពើមណាស់» ។ ម្ចាស់​ឆានែលយូធូបនោះបានសម្រេចចិត្តលុប​វីដេអូចោល ហើយបានសុំអភ័យទោសសម្រាប់ការណែនាំទស្សនិកជន​នូវវិធីចម្អិន​ដ៏ឃោរឃៅ​។ ​

រូបតំណាង

WDT បាននិយាយថា ការបង្ហោះឃ្លីបចុងក្រោយនេះគឺជាករណីជាក់ស្តែងនៃការរំលោភបំពានសត្វនិងការធ្វើទារុណកម្មសត្វ​មុនពេលបរិភោគ​ គឺខុសច្បាប់នៅក្រោមនាយកដ្ឋានអភិវឌ្ឍន៍បសុសត្វ​។ ​ក្រោមការការពារនិងសុខុមាលភាពនៃច្បាប់សត្វ(រួមទាំងសត្វពាហនៈ) ព.ស. ២៥៥៧ (គ.ស.២០១៤) ការធ្វើទារុណកម្មសត្វពាហនៈអាចត្រូវបានផ្តន្ទាទោសដាក់ពន្ធនាគាររហូតដល់ពីរឆ្នាំ​ និងពិន័យជាប្រាក់ចំនួន ៤០ ០០០បាត៕

កែសម្រួលដោយ៖ ភារ៉ា

ប្រភព៖ nation thailand

from： https://tnaot.com/km/m/detail/article/9577773