ក្លឹបហង្សក្រហម Liverpool ដែលជាម្ចាស់ពានលីគកំពូលអង់គ្លេស English Premier League រដូវកាលនេះ បានទិញបានខ្សែការពារស្លាបឆ្វេងម្នាក់ហើយពីក្លឹបOlympiakos នោះគឺកីឡាករ Kostas Tsimikas។ ការទិញនេះធ្វើឡើងក្រោយ Liverpool បរាជ័យក្នុងការទិញ Jamal Lewis ពី Norwich City។

កីឡាករវ័យ២៤ឆ្នាំរូបនេះបានចូលរួមជាមួយក្លឹបជើងឯកPremier League ក្នុងតម្លៃខ្លួនប្រមាណ11.7 លានផោនក្នុងកុងត្រាពេល៥ឆ្នាំ ដែល Tisimikasនេះគឺនឹងត្រូវរំពឹងថាមកប្រកួតប្រជែងកន្លែងជាមួយ Andy Robertson ខ្សែការពារឆ្វេងសញ្ជាតិស្កុតលែន។

គួរបញ្ជាក់ផងដែរថា Tisimikas ជាកីឡាករសញ្ជាតិក្រិច ដែលលេងអោយជម្រើសជាតិក្រិច៣ប្រកួត និងបានចូលរួមជាមួយ Olympialos តាំងពីឆ្នាំ២០១៥ ដោយលេងបាន ៨៦ប្រកួតគ្រប់ការក្របខណ្ឌ័ទាំងអស់អោយក្លឹប គិតមកដល់ពេលបច្ចុប្បន្ន។ 

ប្រភព៖ Goal.com

from： https://tnaot.com/km/m/detail/article/9577224