កាកបាទក្រហមប្រចាំស្រុក Banglamung និងសាខាឃុំ Nongprue ​បានជួយគ្រួសារមួយបន្ទាប់ពីផ្ទះរបស់ពួកគេ​បានឆេះ​អស់កាលពីសប្តាហ៍មុន។

កាកបាទក្រហមស្រុក Banlamung ដឹកនាំដោយលោកស្រី Imjai Buranajaroenkit និង​មេឃុំ Nongprue បានទៅផ្ទះដែលរងការខូចខាតក្នុងឃុំ Nongprue កាលពីព្រឹកមិញនេះ។ ​សមាជិកគ្រួសាររងគ្រោះដែលឆេះនោះ​រួមមានលោក Tossaphon Kongpetsak អាយុ ៣០ឆ្នាំ និងអ្នកស្រី Saowanee Sirimala អាយុ ៣៤ឆ្នាំ ព្រមទាំង​ទារកអាយុ ៥ខែ ​ដែលហេតុការណ៍នេះបានកើតឡើងកាលពីថ្ងៃសុក្រទី ៧ ខែសីហា។ គ្រួសាររងគ្រោះទទួលបាន​សាច់ប្រាក់ចំនួន ៥ ០០០បាត រួមទាំងអាហារ និងសម្ភារប្រើប្រាស់ចាំបាច់មួយចំនួនទៀត។ លោក​ Tossaphon បានប្រាប់កាសែត The Pattaya News ថា គ្មាននរណាម្នាក់នៅផ្ទះទេនៅពេលដែលអគ្គិភ័យចាប់ផ្តើមឆេះ ហើយខណៈនោះគាត់កំពុងជាប់ធ្វើការនៅកន្លែងការងារ។​

មូលហេតុនៃអគ្គិភ័យ​គឺដោយសារបញ្ហាអគ្គិសនី។ សម្ភារដែលនៅក្នុងផ្ទះហើយត្រូវភ្លើងឆេះអស់មានដូច​ជា ម៉ាស៊ីនត្រជាក់ ៤គ្រឿង រថយន្ត ២ គ្រឿង ម៉ូតូ ៤គ្រឿង និងឧបករណ៍អគ្គិសនីផ្សេងទៀត​៕   

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9575293