Sign In 
បន្ទាប់ពីមានការខកខានការសិក្សាមួយរយៈពេល ដោយសារជំងឺកូវីដ១៩ ក្រសួងអប់រំយុវជន និងកីឡា បានសម្រេចអនុញ្ញាតឲ្យសាលារៀនថ្នាក់ទី៩ និងទី១២បើកបើកបង្រៀននៅក្នុងកំឡុងខែកញ្ញាឆ្នាំ២០២០ខាងមុខនេះ ដើម្បីត្រៀមប្រឡងសញ្ញាបត្រថ្នាក់ជាតិនៅខែធ្នូឆ្នាំ២០២០ ។
ក្រសួងបញ្ជាក់ថា ៖«ក្រសួងនឹងរៀបចំការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០១៩-២០២០ នៅខែធ្នូឆ្នាំ២០២០ខាងមុខ ។ ចំពោះការរៀបចំការសិក្សានៅតាមគ្រឹះស្ថានសិក្សាសាធារណៈសម្រាប់សិស្សថ្នាក់ដទៃទៀត ក្រសួងនឹងរៀបចំសេចក្តីណែនាំតាមក្រោយ»។
ជាមួយគ្នានេះ សមាគមគ្រឹះស្ថានឧត្តមសិក្សាកម្ពុជា ដែលជាតំណាងគ្រះស្ថានសិក្សាឯកជន និងគ្រះស្ថានឯកជនដទៃទៀត បានស្ម័គ្រចិត្តពន្យាពេលការប្រឡងសញ្ញាបត្រមធ្យមសិក្សាទុតិយកភូមិ(បាក់ឌុប) ដើម្បីចូលរួមជាមួយការប្រឡងថ្នាក់ជាតិនៅខែធ្នូឆ្នាំ២០២០ ជាមួយនឹងគ្រឹះស្ថានសាធារណៈ៕ដោយ៖ត្នោត
