នៅមុនការប្រកាសរបស់ខ្លួនដែលគ្រោងធ្វើនៅថ្ងៃស្អែកនេះ ស្មាតហ្វូន Xiaomi Mi 10 Ultra ឬហៅថា Mi 10 Pro Plus ត្រូវបានគេប្រទះឃើញនៅលើប្រព័ន្ធ GeekBench ។ ក្នុងថ្ងៃប្រកាសចេញនូវទូរសព្ទម៉ូឌែលមួយនេះ គឺដើម្បីរំលឹកខួប ១០ឆ្នាំនៃការដំណើរការរបស់ក្រុមហ៊ុន Xiaomi ។

ទូរសព្ទនេះត្រូវបានគេមើលឃើញថាមានលេខម៉ូឌែល M2007J1SC និងបន្ទះឈីប Snapdragon 865+ ។ តាមរយៈប្រព័ន្ធ GeekBench បានបង្ហាញថា ទូរសព្ទនេះភ្ជាប់មកជាមួយ RAM រហូតទៅដល់ 16 GB ជាមួយប្រព័ន្ធប្រតិបត្តិការ Android 10 ។

ទូរសព្ទះ Mi 10 Ultra ត្រូវបានគេរំពឹងថានឹងភ្ជាប់មកជាមួយអេក្រង់ទំហំ 120 Hz កម្រិត FHD + ប្រភេទ AMOLED, ថាមពលថ្ម 4,500 mAh ជាមួយនឹងឆ្នាំងសាកថ្មទំហំ 100W ឬ 120W និងមានបំពាក់កាមេរ៉ា ៤គ្រាប់ ដែលមានទំហំរហូតទៅដល់ 108 MP ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9575175