រថយន្ត​​​ចំនួន ២ គ្រឿងបានបុកគ្នានៅលើកំណាត់ផ្លូវលេខ ១១ ក្នុងស្រុក​ Phrom Phiram  កាលពីព្រឹកថ្ងៃចន្ទ ​បណ្តាលឱ្យអ្នកបើកបររថយន្ត​ម្នាក់បានស្លាប់និងម្នាក់ទៀតរងរបួសធ្ងន់។

លោកវរសេនីយ៍ឯក Rangsan Ondee ​បាននិយាយថាគ្រោះថ្នាក់នេះបានកើតឡើងនៅម៉ោងប្រហែល ៣ និង ៤០នាទី ទៀបភ្លឺ ​ក្បែរភូមិ moo ៤ ក្នុងឃុំ tambon Thap Yai Chiang​។ ម្ចាស់រថយន្ត​ Toyota Riva ​បានជ្រុលចង្កូតទៅបុកទ្រូងផ្លូវហើយជ្រុលទៅបុកឡាន Toyota Vigo មួយគ្រឿងទៀតដែលកំពុងដឹកស៊ុតនៅម្ខាងផ្លូវ។ រថយន្តទាំង ២ គ្រឿងរងការខូចខាតយ៉ាងដំណំក្នុងហេតុការណ៍គ្រោះថ្នាក់ចរាចរណ៍នេះហើយអ្នកបើកបរទាំងពីរនាក់បានជាប់នៅក្នុង​ឡានរៀងៗខ្លួន។ ក្រុម​ជួយសង្គ្រោះបន្ទាន់បានប្រើវិធីគាស់ទ្វារឡានដើម្បី​យកពួកគេចេញមកក្រៅ​។

អ្នកបើករថយន្ដ​ Toyota Riva ឈ្មោះ​ Channarong Jaisuk អាយុ ២៥ឆ្នាំ មកពីស្រុក​ Thoeng ខេត្ត​ Chiang Rai​ រងរបួសធ្ងន់ និងត្រូវបានគេ​បញ្ជូនទៅកាន់មន្ទីរពេទ្យ​ Wat Bot  ​។ អ្នកបើករថយន្ត​ Toyota Vigo ម្នាក់ទៀតឈ្មោះ​ Won Surin​ អាយុ ៥០ ឆ្នាំ មកពីស្រុក​ Bang Rakam ខេត្ត​  Phitsanulok ​បានស្លាប់នៅនឹងកន្លែងកើតហេតុភ្លាមៗ ។ ប៉ូលិសកំពុង​បន្តការស៊ើបអង្កេតបន្ថែមទៀតចំពោះហេតុការណ៍នេះ៕ 

កែសម្រួលដោយ៖ ភារ៉ា

ប្រភព៖ bangkok post

from： https://tnaot.com/km/m/detail/article/9575068