លោក Suthin Wuttisin អាយុ ៨៣ឆ្នាំ បានចេញពីឡានកូនស្រីរបស់គាត់ដើម្បីពាក់ម៉ាស់​ដែលគាត់ភ្លេចនៅក្នុងផ្ទះ​ ដែលស្ថិតក្នុង​ស្រុក Bang Pakong ​ខេត្ត Chachoengsao កាលពី​ថ្ងៃទី ៨ ខែសីហា នៅពេលព្រឹកមុនពេល​មុនពេលកើតហេតុការណ៍វាយប្រហារ​ឡើង។

យោងតាមប៉ូលិសស្រុក Bang Pakong បានឱ្យដឹងថា អតីតមេបញ្ជាការកងទ័ពថៃអ្នកស្រី Pansamon Yuenyong អាយុ ៤៦ឆ្នាំ ដែលមានទីលំនៅក្បែរនោះបានបើកទ្វាររបស់នាងភ្លាមៗ​ ដោយមានកាំបិតនៅក្នុងដៃសំដៅទៅរកបុរសចំណាស់រងគ្រោះ។ ជនល្មើស ​បានវាយប្រហារទៅលើបុរសរងគ្រោះដោយចាក់ទៅលើកដៃស្តាំជាច្រើនដង ភ្លាមនោះកូនស្រីរបស់ជនរងគ្រោះដែលស្ថិតនៅក្នុងឡាន​មានការភ្ញាក់ផ្អើលជាខ្លាំងហើយបានឆោឡោហៅអ្នកនៅក្នុងផ្ទះឱ្យមកជួយបញ្ឈប់ការវាយប្រហារនោះ។ ក្រោយបញ្ចប់ការវាយប្រហារ ​​ជនរងគ្រោះអាយុ ៨៨ឆ្នាំរូបនេះបានរងរបួស​ជាច្រើនកន្លែង ហើយត្រូវបានបញ្ជូនទៅមន្ទីរពេទ្យក្នុងតំបន់ដើម្បីទទួល​ការព្យាបាលបន្ទាន់ ចំណែកឯជនល្មើសវិញបានរត់ទៅពួនសំងំក្នុងផ្ទះ។ មន្រ្តីប៉ូលិសស្រុក Bang Pakong ​​បានទៅដល់កន្លែងកើតហេតុហើយបានចំណាយពេលប្រហែល​ ៣០នាទី ដើម្បីបញ្ចុះបញ្ចូលឱ្យ​ជនល្មើសចេញពីផ្ទះ​​ហើយនាំទៅកាន់ប៉ុស្តិនគរបាលស្រុក Bang Pakong ​ដើម្បី​សួរចម្លើយ។

​សាច់ញាតិជនរងគ្រោះម្នាក់បាននិយាយប្រាប់ប៉ូលិសថា អតីតមេបញ្ជាការកងទ័ពរូបនេះ​(ជនល្មើស) ​ធ្លាប់មានជំងឺផ្លូវចិត្ត ហើយជារឿយៗគេបានឃើញនាងកាន់កាំបិត ឬកន្ត្រៃនិង​វាយប្រហារទៅលើប្រជាជនដែលរស់នៅក្បែរនោះ។ បច្ចុប្បន្នប៉ូលិសកំពុងចាត់វិធានការទៅលើជនល្មើសតាមផ្លូវច្បាប់៕

កែសម្រួលដោយ៖ ភារ៉ា

ប្រភព៖​ the pattaya news

from： https://tnaot.com/km/m/detail/article/9572434