Sign In 
កាលពីថ្ងៃអាទិត្យ ក្រសួងសុខាភិបាលវៀតណាមបានរាយការណ៍ថា ប្រទេសវៀតណាមមានករណីថ្មីនៃអ្នកឆ្លងមេរោគកូវីដ១៩ ចំនួន ៣១នាក់ និងមានអ្នកស្លាប់ថ្មីម្នាក់បន្ថែមដែលធ្វើឱ្យចំនួនអ្នកឆ្លងសរុបក្នុងប្រទេសកើនឡើងដល់ ៨៤១នាក់ និងមានអ្នកស្លាប់ចំនួន ១១ នាក់។
ក្រសួងសុខាភិបាលវៀតណាមបានមានប្រសាសន៍នៅក្នុងសេចក្តីថ្លែងការណ៍មួយថាអ្នកឆ្លងថ្មីទាំងអស់ធ្លាប់បានទៅទីក្រុង Danang ដែលជាកន្លែងមានការផ្ទុះឡើងនៃជំងឺនេះឡើងកាលពីចុងខែមុន។ នៅទីក្រុង Danang មានអ្នកឆ្លងជំងឺចំនួន ៣៥៥ នាក់ និងមានមនុស្សស្លាប់ចំនួន ១១ នាក់។
នៅប្រទេសវៀតណាម គេរកឃើញថាមានត្រឹមតែ ១៥កន្លែងតែប៉ុណ្ណោះដែលមានការឆ្លងមេរោគកូវីដ១៩៕
កែសម្រួលដោយ៖ ភារ៉ា
ប្រភព៖ bangkok post
