Sign In 
ខេត្តកំពង់ឆ្នាំង ៖ សមត្ថកិច្ចចម្រុះ ដឹកនាំដោយមន្ត្រីផ្នែករដ្ឋបាលផ្សារឆ្នាំង នៅព្រឹកថ្ងៃទី ៧ ខែសីហា ឆ្នាំ២០២០ បានចុះបង្ក្រាបបទល្មើសនេសាទដោយប្រើឧបករណ៍ស្បៃមុងនៅចំណុចភូមិកំពង់អួរ ឃុំខុនរ៉ង ស្រុកបរិបូណ៌ ក្នុងពេលដែលរដូវនេសាទកំពុងបិទនៅឡើយ ។
លោក ឈឹម បាន នាយសង្កាត់រដ្ឋបាលជលផលបរិបូណ៌បានឲ្យដឹងថា ដោយទទួលបានការណែនាំពីមន្ទីរកសិកម្មរុក្ខាប្រមាញ់និងនេសាទក៏ដូចជាខណ្ឌរដ្ឋបាលជលផល ស្តីពីការទប់ស្កាត់បទល្មើសនេសាទក្នុងរដូវបិទនេសាទនេះ នៅព្រឹកថ្ងៃទី៧ ខែសីហា នេះកម្លាំងសមត្ថកិច្ចចម្រុះរួមមាន មន្ត្រីសង្កាត់ និងផ្នែករដ្ឋបាលផ្សារឆ្នាំង កងរាជអាវុធហត្ថស្រុក បរិបូណ៌ មន្ត្រីបរិស្ថាន ដោយប្រើប្រាស់កម្លាំងសរុប១១នាក់ កាណូតបាឡាស្មាច់៤គ្រឿង ។
ជាលទ្ធផល បានចុះបង្ក្រាបបទល្មើសនេសាទដាក់របាំងស្បៃម៉ុងនៅចំណុចភូមិកំពង់អួរ ឃុំខុនរ៉ងបានចំនួន១៥កន្លែងស្មើនឹងប្រវែង៧៧៩ម៉ែត្រ លបលូស្បៃមុងចំនួន១៥មាត់បង្គោល៣០០ដើម
ចាក់លែងកូនត្រីចម្រុះជាង២០គីឡូក្រាម ចូលបឹងធម្មជាតិវិញ ។នាយសង្កាត់រដ្ឋបាលជលផលរូបនោះក៏បានអំពាវនាវសូមប្រជាពលរដ្ឋកុំនេសាទ ក្នុងរដូវហាមឃាត់ ជាពិសេសរបាំង ស្បៃមុង ដែលជាឧបករណ៍បំផ្លាញមច្ឆជាតិយ៉ាងធ្ងន់ធ្ងរ ៕ដោយ៖កោះសន្តិភាព
