ក្រុមអ្នកតវ៉ានៅប្រទេសលីបង់បានវាយលុកក្រសួងជាច្រើនកន្លែងកាលពីថ្ងៃសៅរ៍ ដោយសារមានករណីផ្ទុះសារធាតុគីមីនៅកំពង់ផែ Beirut ដោយពួកគេ​ស្តីបន្ទោសរដ្ឋាភិបាលដែលធ្វេស​ប្រហែសលើការគ្រប់គ្រងសារធាតុគីមី។

ដំបូងឡើយវាចាប់ផ្តើមជាមួយនឹងពិធីបុណ្យសពសម្រាប់មនុស្ស ១៥នាក់ ដែល​បានស្លាប់បាត់បង់ជីវិត​អំឡុងពេលផ្ទុះសារធាតុគីមី ប៉ុន្តែគ្រប់យ៉ាងបានក្លាយទៅជា​បាតុកម្មប្រឆាំងរដ្ឋាភិបាលដ៏ធំបំផុត​ទៅវិញ។ ​​ការធ្វើបាតុកម្មនេះ​ប្រព្រឹត្តឡើងក្នុងរយៈពេលត្រឹមតែ ៣ ម៉ោងប៉ុណ្ណោះ ដោយសារមានកម្លាំងទ័ពធំៗ ​ប្រើគ្រាប់កាំភ្លើងជ័រនិងឧស្ម័នបង្ហូរទឹកភ្នែក​បណ្តេញក្រុមបាតុករប្រមាណ ២០០នាក់​ដែលប្រកាសថា ប្រឆាំងនឹងរដ្ឋាភិបាល​ព្រមទាំងដុតរូប​ថតរបស់លោកប្រធានាធិបតី Michel Aoun ថែមទៀតផង។

ខណៈពេល​ក្រុមមន្ត្រីទាហានបាញ់ឧស្ម័នបង្ហូរទឹកភ្នែក​ពាសពេញអាកាសនៅកណ្តាលទីក្រុង Beirut ​ ​ក្រុមអ្នកតវ៉ាបានសម្រុកចូល​ទៅអគារផ្លូវការសំខាន់ៗចំនួន ៤  ព្រមទាំងបាន​ស្រែកខ្លាំងៗថា “យើងកំពុងធ្វើសង្គ្រាម​ផ្លូវការជាមួយរដ្ឋាភិបាលរបស់យើង”៕ 

កែសម្រួលដោយ៖ ភារ៉ា

ប្រភព៖ thai pbs world

from： https://tnaot.com/km/m/detail/article/9571036