បុគ្គលិក​សង្គ្រោះបន្ទាន់របស់ Sawang Boribun Thammasathan ត្រូវបានគេជូនដំណឹងអំពីការ​ព្យាយាមធ្វើបាបខ្លួនឯងរបស់ស្រ្តីម្នាក់នៅភូមិ Soi Kor Phai ក្នុងស្រុក Banglamung ខេត្ត Chonburi នៅម៉ោងប្រហែល ៤ ទៀបភ្លឺថ្ងៃ​ទី ៩ ខែសីហា។

តាមប្រភពបានឱ្យដឹងថា មានស្រី្តអាយុ​ ២៩ឆ្នាំម្នាក់ ​មានឈ្មោះ​ថា Ae​ បានព្យាយាម​យកកាំបិតអា​កដៃខាងស្តាំរបស់នាងដែលធ្វើឱ្យមានស្នាមរបួសយ៉ាងជ្រៅនិងមានឈាមហូរជាច្រើន ខណៈពេលដែលមិត្តប្រុសរបស់នាងមានឈ្មោះ Song ​អាយុ ២៨ឆ្នាំ កំពុងអង្គុយជិតនាង។ ​សង្សារជនរងគ្រោះបានប្រាប់មន្ត្រីប៉ូលិសនិងអ្នកសង្គ្រោះបន្ទាន់ថា ​នារីរងគ្រោះខឹងសម្បារនឹងគាត់នៅពេលដែល​គាត់បានទៅ​​ញ៉ាំសុរាជាមួយមិត្ដភក្ដិកាលពីពេលល្ងាចកន្លងទៅ។ ​រូបគេបន្តថា គេធ្លាប់សន្យាថា​នឹងមិន​ញ៉ាំសុរាម្តងទៀតទេ ​ប៉ុន្តែរូបគេបានល្មើសសន្យា​ដោយបានទៅជាមួយមិត្តភក្តិកាលពីល្ងាច។ ក្រោយត្រឡប់មកវិញ ពួកគេបានឈ្លោះប្រកែកគ្នាហើយ​បុរសជាសង្សារបាន​សម្រេចចិត្តចាកចេញពីបន្ទប់ដើម្បីបញ្ឈប់​ការឈ្លោះប្រកែកគ្នា។ ក្រោយបុរសជាសង្សារចេញពីបន្ទប់ គេបានឃើញជនរងគ្រោះកាន់កាំបិតហើយអារកដៃខ្លួនឯង ​ដែលធ្វើឱ្យមានរបួសយ៉ាងជ្រៅនិងមានឈាមហូរខ្លាំង។ ភ្លាមៗនោះ បុរសជាសង្សារ​បានប្រញាប់ប្រញាល់ត្រឡប់មកវិញ ​និង​ទូរសព្ទទៅក្រុមសង្គ្រោះបន្ទាន់។ ​

បច្ចុប្បន្ននារីរងគ្រោះត្រូវគេបញ្ជូនទៅកាន់មន្ទីរពេទ្យ និងរួចផុតពីគ្រោះថ្នាក់ហើយ៕  

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9570905