​ជនរងគ្រោះ ២នាក់ បានរងរបួសធ្ងន់បន្ទាប់ពីរថយន្តដឹកទំនិញមួយគ្រឿង​បុកជាមួយនឹងរថយន្តដឹកទំនិញកង់ ១០មួយគ្រឿង នៅ​ស្រុក  Panat Nikhom​ កាលពីម្សិលមិញ។

ប៉ូលិស ក្រុមអ្នកសារព័ត៌មាន និង​អ្នកសង្គ្រោះបន្ទាប់បានទៅដល់កន្លែងកើតហេតុ បានប្រទះឃើញ​រថយន្ត​ដឹកទំនិញ១គ្រឿង រងការខូចខាត និងមានម្ចាស់ដែលជាអ្នកបើកបរឈ្មោះ​ Sayomphoom Lamtara​ អាយុ ៥០ ឆ្នាំ។

​បុគ្គលិកជួយសង្គ្រោះបន្ទាន់ ក៏ប្រទះ​ឃើញរថយន្តដឹកទំនិញកង់ ១០មួយគ្រឿង​មានសភាពកំពុងបុកបង្គោលភ្លើង​ ដែលមានអ្នកបើកបរឈ្មោះ Pichitsak Kasiwan ។ ​ជនរងគ្រោះទាំងពីរនាក់​កំពុងជាប់នៅក្នុងយានយន្តរៀងៗខ្លួន។ ក្រុម​សង្គ្រោះបន្ទាន់ត្រូវបង្ខំចិត្តប្រើឧបករណ៍កាត់​ទ្វារ ដើម្បីរំដោះ​ជនរងគ្រោះ​ដឹកយកទៅមន្ទីរពេទ្យ។

អ្នកស្រី Supranee Wanassabodee អាយុ ៤៧ឆ្នាំ ​ជាអ្នកលក់ឪឡឹកនៅលើដងផ្លូវក្បែរនោះនិងជាសាក្សីឃើញហេតុការណ៍ បានប្រាប់ប៉ូលិសថា រថយន្ត​ដឹកទំនិញដែលបើកបរដោយលោក​​ Sayomphoom បើកបរក្នុងល្បឿនលឿន​ ​ និងបាន​ជ្រុលចង្កូតទៅបុកឡានដឹកទំនិញកង់ ១០មួយគ្រឿង។ ក្រោយមករថយន្តដឹកទំនិញកង់ ១០នោះបានរេចង្កូតមកបុកតូបរបស់គាត់ទៀត។ ប៉ូលិសស្រុក Panat Nikhom កំពុង​ស៊ើបអង្កេតលើឧប្បត្តិហេតុនេះ​ដោយពិនិត្យមើលកាមេរ៉ាសុវត្ថិភាព ដើម្បីកំណត់ថាតើនរណាជាអ្នកមានកំហុសពិតប្រាកដនិងតាមដានការផ្តល់​ចម្លើយរបស់សាក្សី​នៅកន្លែងកើតហេតុផងដែរ៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9570573