គ្រោះថ្នាក់ចរាចរណ៍មួយបានកើតឡើងរវាងម៉ូតូនិងម៉ូតូ ដែលបណ្តាលឱ្យមានមនុស្ស ៣នាក់ ​រងរបួស​ធ្ងន់នៅសង្កាត់ Nongprue ។

ប៉ូលិស​សង្កាត់ Nongprue ត្រូវបានគេជូនដំណឹងអំពីគ្រោះថ្នាក់នេះនៅម៉ោងប្រហែលជា ៣ ទៀបភ្លឺ ​ដែលកន្លែងកើតហេតុស្ថិតនៅចំណុចប្រសព្វក្បែរភូមិ Soi Khao Talo ។ ប៉ូលិស និង ក្រុមការងារការសែត The Pattaya News បានទៅដល់កន្លែងកើតហេតុ ព្រមទាំងបានប្រទះឃើញ​ម៉ូតូចំនួន ២គ្រឿងរងការខូចខាត និងមានមនុស្ស ៣នាក់ បានរងរបួស​។ ជនរងគ្រោះទី១មានឈ្មោះថា ​​ Anatita Pimsri អាយុ ២៩ឆ្នាំ អ្នកទី២​លោក ​ Nattawat Tepraksa អាយុ ១៦ឆ្នាំ និង​ម្នាក់ទៀតជាអ្នកដំណើរ​មិន​ស្គាល់ឈ្មោះ។  ពួកគេទាំងបីនាក់ ត្រូវបានគេបញ្ជូនទៅមន្ទីរពេទ្យក្នុងតំបន់ដើម្បីទទួល​ការព្យាបាល។ ជនរងគ្រោះលោក Nattawat Tepraksa បានប្រាប់ប៉ូលិសថា ម៉ូតូ​របស់អ្នកស្រី​ Anatita Pimsri បានចេ​ញមកពីចំណុចផ្លូវបំបែក ខណៈពេលដែលរូបគេ​កំពុងបើកបរស្រប​ផ្លូវតាមច្បាប់ក្នុងល្បឿនធម្មតា។

ទោះជាយ៉ាងណាក៏ដោយ ប៉ូលិស​សង្កាត់ Nongprue កំពុងតែពិនិត្យ​កាមេរ៉ាសុវត្ថិភាពនៅក្បែរនោះដើម្បីតាមដាន​ចម្លើយរបស់ភាគីរងគ្រោះទាំងសងខាង និងចាត់ការអ្នកបង្កហេតុទៅតាមផ្លូវច្បាប់៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9570490