ក្រុមមេឃខៀវ Manchester City នឹងទទួលបានប្រាក់ប្រមាណ ១៥លានផោន ពីក្រុមបិសាចក្រហម Manchester United បើសិនជា Sancho មកលេងនៅ Old Trafford មែននោះ។

សារព័ត៌មានជាច្រើនបានចុះផ្សាយថា ការពិភាក្សាជុំវិញការទិញកីឡាករវ័យក្មេងសញ្ជាតិអង់គ្លេសពីសំណាក់ក្រុមជើងឯកលីគកំពូលអង់គ្លេស២០សម័យនេះ ខិតជិតនឹងកើតឡើងមែនទែនហើយ ក្រោយពីសាមីខ្លួនយល់ព្រមនូវលក្ខខណ្ឌផ្ទាល់ខ្លួន ស្របពេលក្លឹបទាំងពីរ ក៏បានបង្ហាញសញ្ញាវិជ្ជមានអំពីការចរចានេះដែរ។

ជាងនេះទៅទៀត ប្រសិនបើការផ្ទេរនេះជោគជ័យមែននោះ Man City នឹងទទួលបានប្រាក់ប្រមាណ ១៥លានផោន ដោយសារអំឡុងការលក់ឲ្យ Dortmund ពួកគេបានសន្យាថា ប្រសិនបើ Sancho ត្រូវបានលក់ចំណេញនោះ ពួកគេក៏នឹងទទួលបាន ១៥% ផងដែរ។

សូមបញ្ជាក់ថា Sancho លេងឲ្យ Man City ពីឆ្នាំ២០១៥ ដល់ ២០១៧ ក្នុងឈុតយុវជន មុនពេលផ្ទេរទៅកាន់ Dortmund៕

ប្រភព៖ Sportbibble

from： https://tnaot.com/km/m/detail/article/9570426