ដូចអ្វីដែលបានរំពឹងទុកមែន ក្លឹបសេះបង្កង់Juventus បានបណ្តេញលោក Sarri ចេញពីតំណែងគ្រូបង្វឹកហើយកាលពីយប់មិញនេះ ក្រោយលោកហាក់ដឹកនាំមិនបានល្អ ធ្វើអោយ Juventus ធ្លាក់ចេញពី Champion League ក្រោមថ្វីជើង Lyon។ បើទោះជាគ្រាប់បាល់សរុប ២ទល់នឹង២ តែ Lyonចំណេញបាល់ក្រៅដី។

លើសពីនេះ Sarri អាចនឹងត្រូវ Juventus បណ្តេញចេញដោយសារតែលោកបានដឹកនាំ Juventus ប៉ុន្មានប្រកួតចុងក្រោយនៅ Serie A មិនបានល្អឡើយ បើទោះជាបានឈ្នះពានលីគក៏ពិតមែន តែលើសក្រុម Inter Milan ត្រឹមមួយពិន្ទុប៉ុណ្ណោះ ដែលធ្វើអោយសមត្ថភាពរបស់ Sarri ត្រូវបានប្រធានក្លឹបលែងទុកចិត្តទៀត។

បន្ទាប់ពីបណ្តេញលោក Sarri ចេញ ក្លឹប Juventus ក៏បញ្ចេញសារតែងតាំងគ្រូបង្វឹកថ្មីភ្លាមៗ គឺលោក Andrea Pirlo អតីតវីរបុរសឆ្នើមរបស់ក្លឹបអោយកាន់តំណែងជាគ្រូឈុតធំជាផ្លូវការ ដោយកាលពីសប្តាហ៏មុន Pirlo ត្រូវបានតែងតាំងជាគ្រូបង្វឹកឈុតយុវជនប៉ុណ្ណោះ។ តើ Pirlo អាចធ្វើបានល្អកំរិតណា?

ប្រភព៖ Sky Sports

from： https://tnaot.com/km/m/detail/article/9570047