Sign In 
តាមប្រភពពត៌មានបានអោយដឹងថា កាលពីវេលាម៉ោង១២ និង៣០នាទីថ្ងៃទី០៨ ខែសីហា ឆ្នាំ២០២០ ស្ថិតនៅក្នុងភូមិតាង៉ែនលើ ខេត្ដប៉ៃលិន មានករណីគ្រោះថ្នាក់ចរាចរណ៍រថយន្តបុកក្មេងរត់ឆ្លងផ្លូវ នៅលើផ្លូវក្រាលកៅស៊ូ បណ្តាលអោយបាត់បង់ជីវិតនៅនឹងកន្លែង ហើយរងការខូចខាតរថយន្តស្រាលចំនួន០១គ្រឿង ដោយអ្នកបើកបររថយន្តបានរត់ចេញពីកន្លែងកើតហេតុគេចខ្លួនភ្លាមៗ ។ 
គេសង្កេតឃើញថាមូលហេតុបណ្តាលមកពីកត្តាមនុស្សខ្វះការប្រុងប្រយ័ត្ន បណ្តោយក្មេងតូចឱ្យឆ្លងផ្លូវគ្មានអណាព្យាបាលដឹកដៃ ។
ក្រោយពេលកើតហេតុ វត្ថុតាង ត្រូវបាននគរបាលយកទៅរក្សាទុកនៅការិយាល័យនគរបាលចរចារណ៍ផ្លូវគោក នៃស្នងការដ្ឋាននគរបាលខេត្តប៉ៃលិន ដើម្បីរង់ចាំធ្វើការដោះស្រាយតានីតិវិធី ៕ដោយ៖ត្នោត
