Sign In 
មុននេះបន្តិចមានករណីអគ្គិភ័យ ឆាបឆេះស្ថានីយលក់ប្រេងឥន្ធនៈមួយកន្លែង នៅស្រុកទឹកឈូ នាថ្ងៃទី០៨ ខែសីហា ឆ្នាំ២០២០នេះ វេលាម៉ោងប្រមាណ១០ព្រឹក។ នេះបើយោងតាម នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិចេញផ្សាយមុនបន្តិច ។
ហេតុការណ៍នេះ បានបង្កឱ្យមានការភ្ញាក់ផ្អើល ខណៈពេលអណ្តាតភ្លើង និងផ្សែងខ្មួលខ្មាញ់ បានហោះហើយឡើងទៅលើអាកាស។
កម្លាំងសមត្ថកិច្ច និងប្រជាពលរដ្ឋកំពុងតែនាំគ្នាជួយពន្លត់ យ៉ាងសស្រាក់ស្រាំ ដើម្បីធ្វើការទប់ស្កាត់ការឆេះរាលដាលទៅផ្ទះរបស់ប្រជាពលរដ្ឋ។
រហូតមកដល់វេលាម៉ោង១១ព្រឹកថ្ងៃដដែលនេះ អគី្គភ័យត្រូវបានរលត់។ សមត្ថកិច្ចនៅមិនទាន់ដឹងអំពីករណីស្លាប់និងរបួស ឬការខូចខាតទ្រព្យសម្បត្តិនៅឡើយទេ៕ ដោយ៖ ត្នោត
