Sign In 
ខណៈមានការផ្ទុះជំងឺគ្រុនឈីកកើតឡើងនៅតំបន់មួយចំនួននៅក្នុងប្រទេសកម្ពុជា ក្រសួងសុខាភិបាលបានធ្វើការណែនាំ ដល់ប្រជាពលរដ្ឋឱ្យយកចិត្តទុកដាក់ថែរក្សាសុខភាព ពិសេសកូនតូចៗរបស់ពួកគេ។
១. ជំងឺគ្រុនឈីកបង្កឡើងដោយ វីរុសឈីក តាមរយៈមូសខ្លា។ ជំងឺនេះកើតលើមនុស្សគ្រប់វ័យ។ ២. រោគសញ្ញាជំងឺគ្រុនឈីក៖ ជំងឺគ្រុនមានរោគសញ្ញាសំខាន់៣យ៉ាង គឺគ្រុនក្តៅ ៣ ទៅ ៤ ថ្ងៃ ឈឺ សន្លាក់ឆ្អឹងជាច្រើនកន្លែង មានស្នាមកន្ទួល ឬក្រហមលើកស្បែក។
៣. វិធានការការពារជំងឺគ្រុនឈីក៖ បំបាត់ប្រភពដង្កូវទឹកមូសខ្លា ប្រមូលរាល់វត្ថុដក់ទឹកបាន កម្ទេច ឬកប់ចោល បំបាត់គុម្ពោតស៊ុបទ្រុបនៅជុំវិញផ្ទះ កុំគេងនៅទីងងឹតនៅពេលថ្ងៃ ត្រូវគេងក្នុងមុង កុមារ មនុស្សចាស់ត្រូវស្លៀកសម្លៀកបំពាក់វែងៗការពារមូស បើកទា្វរ បង្អួចផ្ទះឱ្យពន្លឺថ្ងៃចេញចូលគ្រប់គ្រាន់ ដើម្បីដេញមូសខ្លា។
ជំងឺនេះមិនបណ្តាលឱ្យអ្នកជំងឺស្លាប់នោះទេ លើកលែងតែមានជំងឺផ្សេងៗរួមផ្សំដូចជា៖ ជំងឺគ្រុនឈាម គ្រុនចាញ់ ឬជំងឺរលាកស្រោមខួរជាដើម។ ដោយ៖ ឃួន លក្ខិណា
