យោងតាមប៉ូលិសប្រចាំស្រុក ​ Surasak បានឱ្យដឹងថា អ្នកបើកបរម៉ូតូម្នាក់ដែលមិនបានពាក់មួកសុវត្ថិភាពបានរងរបួសធ្ងន់បន្ទាប់ពីមានគ្រោះថ្នាក់ចរាចរណ៍នៅ​ក្នុងស្រុក​ Surasak កាលពីថ្ងៃពុធ។

បុគ្គលិក​សង្គ្រោះបន្ទាន់ត្រូវបានគេជូនដំណឹងអំពីគ្រោះថ្នាក់នេះនៅម៉ោងប្រហែល ៤ រសៀល ថ្ងៃពុធ នៅ​ភូមិ Soi Bokok។

ពួកគេបានមកដល់កន្លែងកើតហេតុដើម្បី​ជួយអ្នកបើកបរមិនស្គាល់អត្តសញ្ញាណម្នាក់ដែលមានអាយុប្រហែលជាង ៣០ឆ្នាំ។ ​ជនរងគ្រោះ​មានរបួសត្រង់ក្បាលធ្ងន់ធ្ងរហើយ​កំពុងដេក​នៅលើផ្លូវ ក្រោយមក​ត្រូវបានគេនាំទៅមន្ទីរពេទ្យក្នុងតំបន់ដើម្បីទទួលការព្យាបាល។

ក្រុមអ្នកជួយសង្គ្រោះបានរកឃើញម៉ូតូខូចមួយគ្រឿងម៉ាក 150cc  រួមទាំងសក់និង​ស្នាមឆូត ​នៅលើបង្គោលអគ្គិសនីក្បែរនោះដែលនាំឱ្យបុគ្គលិក​សង្គ្រោះបន្ទាន់ជឿជាក់ថាល្បឿននៃការបើកបររបស់ជនរងគ្រោះគឺជាកត្តាដែលបង្កឱ្យមានគ្រោះថ្នាក់។ ​ទោះបីជាមិនមានសាក្សីណាបានឃើញហេតុការណ៍នេះក៏ដោយ ប៉ូលិស​​ជឿថាអ្នកបើកបរ​ប្រហែលជាបាត់បង់ការគ្រប់គ្រងម៉ូតូរបស់ខ្លួនមុនពេលបុកបង្គោល​ភ្លើង។ ប៉ូលិស​កំពុងតែបន្តការស៊ើបអង្កេតរបស់ពួកគេដើម្បីរកមូលហេតុពិតប្រាកដនៃគ្រោះថ្នាក់នេះ​ដោយពិនិត្យកាមេរ៉ាសុវត្ថិភាពនៅក្បែរនោះ៕  

 កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9564939