ក្រុមហ៊ុន Samsung បានប្រកាសជាផ្លូវការជាមួយទូរសព្ទ Galaxy Note20 និងទូរសព្ទ Galaxy Note20 Ultra កាលពីម្សិលមិញតាមរយៈព្រឹត្តិការណ៍ដ៏ធំមួយ និងបានបញ្ជាក់អំពីតម្លៃនៅសហរដ្ឋអាមេរិក និងបណ្តាប្រទនៅអឺរ៉ុបផងដែរ ហើយថ្ងៃនៅនេះអាចធ្វើការបញ្ជាទិញមុននៅប្រទេសឥណ្ឌាបានហើយ ។

ទូរសព្ទ Galaxy Note20 ត្រូវបានដាក់លក់ក្នុងតម្លៃ 77,999 INR ប្រហែលជា 1,040 ដុល្លារ នៅក្នុងប្រទេសឥណ្ឌាខណៈដែល Note20 Ultra ដាក់លក់ក្នុងតម្លៃ 104,999 INR ប្រហែលជា 1,400 ដុល្លារ ។ កំពូលស្មាតហ្វូនទាំងពីរភ្ជាប់មកជាមួយអង្គផ្ទុកទិន្នន័យខាងក្នុងទំហំ 256 GB ប៉ុន្តែ Note20 ធម្មតាមាន RAM ទំហំ 8 GB ចំណែកឯ Note20 Ultra ភ្ជាប់មកជាមួយ RAM ទំហំ 12 GB ដែលភ្ជាប់មកជាមួយប្រព័ន្ធ 5G ផងដែរ ។

ស្មាតហ្វូន Note20 និង Note20 Ultra បានត្រៀមរួចជាស្រេចសម្រាប់ការបញ្ជាទិញជាមុននៅក្នុងប្រទេសឥណ្ឌាតាមរយៈហាងអនឡាញរបស់ក្រុមហ៊ុន Samsung ។ ទូរសព្ទ Note20 ត្រូវបានផ្តល់ជូនជាមួយពណ៌បៃតង ខណៈដែល Note20 Ultra មានជាមួយពណ៌ខ្មៅ និងម៉ូឌែលទាំងពីរនេះ មានពណ៌ខ្មៅ និងមានពណ៌សំរិទ្ធិដូចគ្នាតែម្តង ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9564828