Sign In 
អាមេរិក ៖ មជ្ឈមណ្ឌលគ្រប់គ្រងនិងបង្ការជំងឺ (CDC) អាមេរិក បាននិយាយនៅថ្ងៃពុធនេះថា មនុស្សធ្លាក់ខ្លួនឈឺ និងអាចដល់បាត់បង់ជីវិត បន្ទាប់ពីផឹកទឹកអាល់កុលលាងដៃ។ CDC បាននិយាយថា មនុស្ស៤នាក់បានបានបាត់បង់ជីវិត និងអ្នកផ្សេងទៀតបានទទួលរងនូវបញ្ហាភ្នែកមើលមិនឃើញច្បាស់ដូចមុន ឬ ប្រកាច់។
ទឹកអាល់កុលលាងដៃ គឺមាននៅគ្រប់ទីកន្លែង ហើយមានប្រយោជន៍សម្រាប់ការលាងសម្អាតដៃ អំឡុងពេលមានជំងឺរាតត្បាត។ CDC ព្រមានថា ប៉ុន្តែវាមិនមានសុវត្ថិភាពក្នុងការផឹកទេ។ CDC បាននិយាយថា៖ «ផលិតផលទឹកអាល់កុលលាងដៃ ដែលមានជាតិអាល់កុលមិនគួរត្រូវបានផឹកឡើយ»។
ក្រុមការងារ CDC បានពិពណ៌នាករណីមនុស្សពេញវ័យ១៥នាក់នៅរដ្ឋអារីហ្សូណា និងញូវម៉ិកស៊ិក ចូលមន្ទីរពេទ្យដោយសារការពុលមេតាណុល បន្ទាប់ពីទទួលទានទឹកអាល់កុលលាងដៃ នៅចន្លោះខែឧសភា និងមិថុនា។
CDC មិនច្បាស់ទេថា ហេតុអ្វីបានជាមនុស្សអាចផឹកទឹកអាល់កុលលាងដៃបាន0x017d7 កុមារអាចធ្វើវាដោយកំហុស ហើយមនុស្សខ្លះគិតថា វាជាភេសជ្ជៈជំនួសភេសជ្ជៈមានជាតិអាល់កុល។ វាមិនមែនទេ។
រដ្ឋបាលចំណីអាហារ និងឱសថអាមេរិក (FDA) បានព្រមានម្តងហើយម្តងទៀតអំពីមេតាណុលនៅក្នុងទឹកអាល់កុលលាងដៃមួយចំនួន ដែលចែកចាយនៅសហរដ្ឋអាមេរិក។ មិនដូចអេតាណុលទេ ដែលជាអាល់កុលប្រើដើម្បីធ្វើអនាម័យដៃ។ មេតាណុល គឺពុល ហើយថែមទាំងអាចបំពុលមនុស្សតាមរយៈស្បែករបស់ពួកគេទៀតផង។ រដ្ឋបាល ចំណីអាហារ និងឱសថបានព្រមានប្រឆាំងនឹងផលិតផលអនាម័យដៃច្រើនជាង ១០០៕ ដកស្រង់ចេញពីវេបសាយ ៖ cnn ផ្ដល់សិទ្ធិដោយ៖ កោះសន្តិភាព
