ក្លិប Inter បានឈានដល់កិច្ចព្រមព្រៀងចុះហត្ថលេខាជាមួយខ្សែប្រយុទ្ធ Alexis Sanchez របស់បិសាចក្រហម Manchester United ក្នុងកិច្ចសន្យាជាអចិន្រ្តៃយ៍តែម្តង។

ក្រោយផ្លាស់មកលេងឱ្យ Inter ក្នុងលក្ខខណ្ឌខ្ចីជើងបានមួយរដូវកាលមក ខ្សែបម្រើ Sanchez សម្រេចចិត្តចុះកិច្ចសន្យារយៈពេល ៣ ឆ្នាំបន្ថែមទៀត ហើយនឹងក្លាយជាកីឡាករពេញសិទ្ធរបស់ក្លិបលេងនៅក្របខ័ណ្ឌ Serie A មួយនេះតែម្តង បន្ទាប់ពីរដូវកាលដំបូងរបស់គេជោគជ័យក្រោមការដឹកនាំពីសំណាក់លោក Antonio Conte។

មុនផ្លាស់មកលេងឱ្យ United កីឡាករអន្តរជាតិឈីលីវ័យ ៣១ ឆ្នាំរូបនេះ ធ្លាប់លេងនៅក្លិបកាំភ្លើងធំ Arsenal ផងដែរ។ រូបគេបានផ្ទេរមកបិសាចក្រហមក្នុងឆ្នាំ២០១៨ ប៉ុន្តែបង្ហាញទម្រង់លេងមិនសូវបានល្អទេ ទើប United ដាក់ឱ្យ Inter ខ្ចីជើងមួយរដូវកាលសិន។ តែទោះជាយ៉ាងណាក៏ដោយ កិច្ចសន្យារបស់គេបច្ចុប្បន្នជាមួយ United បានអស់សុពលភាពនឹងគ្នាហើយ។

សម្រាប់រដូវកាលនេះ Sanchez រកបាន ៤ គ្រាប់ និងបង្ហាញខ្លួនសរុបចំនួន ៣០ លើក ឱ្យ Inter៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9562195