ក្លឹបកាំភ្លើងធំ Arsenal ដែលទើបនឹងឈ្នះពាន FA Cup ថ្មីៗបានបង្ហាញពីលទ្ធផលវិជ្ជមានក្នុងការចរចារទិញកីឡាករល្អៗ នាទីផ្សារដោះដូរកីឡាករលើកនេះ ក្រោយមានព័ត៌មានអំពីការខ្ចីជើង Philippe Coutinho ពី FC Barcelona និងការជិតទិញបាន Willian ពី Chelsea ដោយគ្មានតម្លៃខ្លួន។

យោងតាម Telegraph ក្លឹបArsenal របស់ Arteta អាចនឹងមានភាគរយខ្ពស់ជាងគេក្នុងការខ្ចីជើងកីឡាករប្រេស៊ីលCoutinho ក្រោយ Bayern Munich បដិសេធមិនទិញយកកីឡាកររូបនេះ ស្របពេលដែល FC Barcelona ហាក់មិនត្រូវការខ្សែបម្រើប្រយុទ្ធរូបនេះទេ។

គួរបញ្ជាក់ផងដែរថា ព័ត៌មានក៏បានផ្សាយច្រើនអំពីការចរចារទិញយកWillian ពី Chelsea ដោយគ្មានតម្លៃខ្លួន ក្រោយកីឡាកររូបនេះជិតផុតកុងត្រាជាមួយក្លឹប Chelseaនិងចង់បានកុងត្រាជាមួយក្លឹបតោខៀវ ៣ឆ្នាំបន្ត តែត្រូវក្លឹបតោខៀវបដិសេធ ស្របពេលដែល Arsenal សុខចិត្តប្រគល់កុងត្រា៣ឆ្នាំអោយ Willian និងតម្លើងប្រាក់ឈ្នួលរហូតដល់ ១២ ម៉ឺនផោនក្នុងមួយសប្តាហ៏ទៀតផង ត្បិតខ្លួនបាន Willian ដោយគ្មានតម្លៃខ្លួន។

ប្រភព៖ Telegraph 

from： https://tnaot.com/km/m/detail/article/9560565