ភ្នំពេញ: បុរសម្នាក់ត្រូវបានម៉ូតូសង្កត់ពីលើឈ្លក់ទឹកស្លាប់សង្ស័យជិះម៉ូតូធ្លាក់ចូលក្នុងទឹកប្រឡាយ ហេតុការណ៏នេះបង្កឲ្យមានកាលភ្ញាក់ផ្អើលកាលពីវេលា ម៉ោង១១និង៥០នាទីយប់ថ្ងៃអង្គារ ទី០៤ ខែសីហា ឆ្នាំ ២០២០នៅចំណុចប្រឡាយលូដីឡូត៍ មួយកន្លែង ស្ថិតតាមបណ្ដោយផ្លូវបេតុង ភូមិខ្វែ សង្កាត់ត្រពាំងក្រសាំង ខណ្ឌ ពោធិ៍សែនជ័យ រាជធានីភ្នំពេញ។

សពជនរងគ្រោះមិនស្គាល់អត្តសញ្ញាណនោះទេដោយជិះម៉ូតូម៉ាកវ៉េវ ពណ៌ខ្មៅ ពាក់ផ្លាកលេខកណ្តាល1B.4299 ។

តាមប្រភពពីបុរសម្នាក់បានប្រាប់ឲ្យដឹងថាមុនកើតហេតុ មានកម្មករដែលធ្វើរបងនៅចំណុចដីឡូត៍កើតហេតុខាងលើបានឃើញបុរសម្នាក់ជិះម៉ូតូហុងដាវ៉េវមួយគ្រឿងធ្វើដំណើរតាមបណ្តោយផ្លូវបេតុងទឺសដៅពីលិចទៅកើតក្នុងល្បឿនលឿន លុះមកដល់ចំណុចកើតហេតុខាងលើផ្លូវ ងងឹតផងបានរេចង្កូចមកខាងស្តាំដៃធ្លាក់មកចិញ្ចើមផ្លូវជាង២០ ម៉ែត្របណ្តាលឲ្យដួលចូលប្រឡាយកាយសំរាប់ដាក់លូត្រូវម៉ូតូសង្កត់ពីលើឈ្លក់ទឹកស្លាប់នៅនឹងកន្លែងកើតហេតុយ៉ាងអណោចអធ័ម។ប្រភពដដែលបានបន្តទៀតថាក្រោយពីឃើញហេតុការណ៍នេះពួកគេក៏នាំគ្នាបានរាយការណ៍ប្រាប់ទៅម្ចាស់ដី។ បន្ទាប់មកម្ចាស់ដីក៏បានរាយការណ៍បន្តទៅសមត្ថកិច្ចមូលដ្ឋានភ្លាមៗ។

ក្រោយមកសមត្ថកិច្ចបានចុះមកដល់រូចធ្វើការហ៊ុំព័ទ្ធនៅចំណុចទីតាំងកើតហេតុខាងលើ។

ចំពោះករណីខាងលើនេះមិនទាន់ដឹងថាជាករណីអ្វីឲ្យពិតប្រាកដនោះទេ។រងចាំសមត្ថកិច្ចជំនាញចុះមកកោសល្យវិច័យទើបដឹងថាជាករណីអ្វីឲ្យពិតប្រាកដ។

ដោយឡែកសពជនរងគ្រោះសមត្ថកិច្ចនិងធ្វើការស្រាវជ្រាវរកសាច់ញាតិមកទទួលយក សពទៅធ្វើបុណ្យតាមប្រពៃណី៕ដោយ÷ សួង សាម

from： https://tnaot.com/km/m/detail/article/9556678