Sign In 
ប្រទេសកូរ៉េខាងត្បូង ៖ យោងតាម YONHAP ថា ភ្លៀងបន្តធ្លាក់ខ្លាំងក្នុងតំបន់ភាគកណ្ដាលកូរ៉េខាងត្បូង បណ្ដាលឲ្យមនុស្សបាត់បង់ជីវិតយ៉ាងតិច១២នាក់ ក្នុងនោះ៦នាក់បាត់បង់ជីវិតនាថ្ងៃទី៣ សីហា ចំណែកមនុស្ស១៤នាក់ទៀតបាត់ខ្លួន។ នេះជាសេចក្ដីរាយការណ៍នាថ្ងៃទី៤ ខែសីហា ឆ្នាំ២០២០ របស់ផ្នែកតស៊ូប្រឆាំងគ្រោះមហន្តរាយរបស់ប្រទេស។
រវាងថ្ងៃទី១ សីហា មកថ្ងៃទី៤ សីហា ភ្លៀងធ្លាក់ខ្លាំងបំផុត នៅតាមខេត្តជាច្រើននាភាគកណ្ដាលប្រទេស ដោយកម្រិតទឹកភ្លៀងមានរវាងពី៤០០មីល្លីម៉ែត្រទៅ៣១៨មីល្លីម៉ែត្រ។ ការប្រកាសអាសន្នពីភ្លៀងធ្លាក់ខ្លាំង ត្រូវបានធ្វើ សម្រាប់តំបន់ក្រុងសេអ៊ូល ព្រមទាំងសម្រាប់ខេត្តជាច្រើនទៀត។
ទឹកជំនន់បានបំផ្លាញផ្ទះ៨១៥ខ្នង និងផ្ទៃដីដាំដុះ៥.៧៥១ហិកតា និងមានការបាក់ដី២២៤កន្លែង។ មនុស្សប្រមាណជា១.០២៥នាក់បានចាកចេញពីលំនៅឋាន ដោយសារទឹកជំនន់និងការបាក់ដី៕ ផ្តល់សិទ្ធដោយ៖ កោះសន្តិភាព
