Sign In 
បាម៉ាក៖ កាលថ្ងៃទី០៣ ខែសីហា ឆ្នាំ២០២០ យន្តហោះខ្នាតមធ្យមមួយគ្រឿង ជារបស់បេសកកម្មអង្គការសហប្រជាជាតិ (UN) ប្រចាំនៅប្រទេសម៉ាលី បានជួបគ្រោះថ្នាក់នៅអំឡុងការចុះចតនៅទីក្រុងហ្គៅ (Gao) បណ្តាលអោយមនុស្ស ១១នាក់រងរបួស ។ នេះបើយោងតាមទូរទស្សន៍ជាតិកម្ពុជាចេញផ្សាយនាថ្ងៃទី០៤ ខែសីហា ឆ្នាំ២០២០ ។
យន្តហោះនៃបេសកកម្ម MINUSMA ធ្វើដំណើរពីទីក្រុង Bamako មានមនុស្សសរុប ១១នាក់ ក្នុងនោះអ្នកដំណើរ ០៤នាក់ និង០៧នាក់ទៀត ជាបុគ្គលិក UN ព្រមទាំងអ្នកបញ្ជាការលើយន្តហោះ ។ក្រោយគ្រោះថ្នាក់កើតឡើង នៅអំឡុងការចុះចត តួយន្តហោះទាំងមូលបានរងការខូចខាតយ៉ាងដំណំ ខណៈមនុស្សទាំង ១១នាក់ សុទ្ធតែបានរងរបួស ក្នុងនោះម្នាក់មានសភាពធ្ងន់ធ្ងរ ។
យន្តហោះប្រភេទ Antonov An-72 របស់ UN មានបញ្ហាកើតឡើងនេះ អំឡុងការចុះចត ឬក្រោយព្យុះកើតឡើង ។ យ៉ាងណាក៏ដោយ ការស៊ើបអង្កេតរកមូលហេតុជាក់លាក់បាននិងកំពុងធ្វើឡើងហើយ ៕ ផ្តល់សិទ្ធដោយ៖ កោះសន្តិភាព
