Sign In 
សេចក្តីព្រាងច្បាប់ស្តីពីសណ្តាប់ធ្នាប់សាធារណៈ ត្រូវបានរៀបចំតាក់តែងឡើង ដោយក្រសួងមហាផ្ទៃ បានដាក់បញ្ជូល ទៅអាជ្ញាធរថ្នាក់ក្រោមជាតិ តាមបណ្តាខេត្តទាំងអស់ ដើម្បីពិនិត្យនិងកែសម្រួលលើកចុងក្រោយ សម្រាប់ដាក់ជូនទៅរាជរដ្ឋាភិបាលអនុម័ត។
សេចក្តីព្រាងច្បាប់ស្តីពីសណ្តាប់ធ្នាប់សាធារណៈ មានចំនួន៨ជំពូក និង៤៨មាត្រា ក្នុងនោះក៏បានចែងពីការហាមឃាត់ស្លៀកពាក់ខ្លី នឹងត្រូវដាក់អនុវត្តចុងឆ្នាំនេះ ឬដើមឆ្នាំក្រោយ ។
ច្បាប់នេះ អាចនឹងត្រូវចូលជាធរមាននៅចុងឆ្នាំនេះ ឬដើមឆ្នាំក្រោយ ប្រសិនបើការយល់ និងអនុម័ត ដោយក្រសួងពាក់ព័ន្ធនានា និងរដ្ឋសភា។ សេចក្ដីព្រាងច្បាប់ មានគោលបំណង ដើម្បីធានាការគ្រប់គ្រងសណ្ដាប់សាធារណៈ ឱ្យមានរបៀបរៀបរយ សោភ័ណភាព អនាម័យ បរិស្ថាន ភាពស្ងប់ស្ងាត់ សុវត្ថិភាពសង្គម រក្សាប្រពៃណីជាតិ និងសេចក្ដីថ្លៃថ្នូររបស់ប្រជាពលរដ្ឋ ។
នៅក្នុងសេចក្ដីព្រាងច្បាប់នេះ ក៏បានលើកឡើងពីការរឹតត្បិត ដូចជាស្ដ្រីត្រូវបានហាមឃាត់ការស្លៀកពាក់ខ្លីពេក រហូតខើចលើខើចក្រោម ការស្លៀកពាក់ស្ដើងលេចបង្ហាញកេរខ្លាស ឬការស្លៀកពាក់បង្ហាញផ្នែកខ្លះនៃភេទជាដើម។ រីឯបុរសមិនត្រូវដោះអាវឱ្យខ្លួនទទេរនៅទីសាធារណៈ ឬស្លៀកតែខោទ្រនាប់ ដើម្បីបង្ហាញកេរិ៍ខ្មាសនោះទេ៕ ដោយ៖ត្នោត
