ភ្នំពេញ៖ បុរសម្នាក់បើកថយន្តមួយគ្រឿងសង្ស័យស្រវឹងធ្លាក់ភ្នែកមិនគោរពច្បាប់ចរាចរណ៍បើកលើសល្បឿនក៏បានរ៉េចង្កូតទៅបុកនឹងរបាំងពុះចែកទ្រូងផ្លូវ បណ្តាលឲ្យរថយន្តក្រឡាប់បះជើងបង្កការភ្ញាក់ផ្អើលដល់ប្រជាពលរដ្ឋ។

ហេតុការណ៍នេះ បានកើតឡើងកាលពីវេលាម៉ោង៣ និង៣០នាទីទៀបភ្លឺថ្ងៃទី៤ ខែសីហា ឆ្នាំ២០២០ តាមបណ្តោយផ្លូវ២៧១ ក្បែរសាលាជាស៉ីមសាមគ្គី ស្ថិតក្នុងសង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។

តាមអ្នកដែលឃើញហេតុការណ៍បានឲ្យដឹងថា

មុនពេលកើតហេតុ គេបានឃើញរថយន្តខាងលើដែលមានម៉ាក corolla ពណ៌ស ស្លាកលេខ ភ្នំពេញ 2E-8017 បើកបរដោយបុរសម្នាក់ក្នុងស្ថានភាពស្រវឹង ក្នុងល្បឿងយ៉ាងលឿនក្នុងទិសដៅពីលិចទៅកើត លុះពេលដែលមកដល់ចំណុចកើតហេតុខាងលើស្រាប់តែរ៉េចង្កូតទៅបុកនឹងរបាំងថ្មពុះចែកទ្រូងបណ្តាលឱ្យរថយន្តខាងលើក្រឡាបបះជើងឡើងលើ រីឯអ្នកបើកបរបានលូនចេញពីរថយន្តរងរបួសស្រាល។

ក្រោយពេលកើតហេតុរថយន្តបង្កត្រូវបានសមត្ថកិច្ចធ្វើការវាសវែងស្ទូចយកទៅរក្សាទុកនៅការិយាល័យចរាចរណ៍ផ្លូវគោកដើម្បី រង់ចាំការដោះស្រាយគ្នានៅពេលក្រោយ៕ ដោយ៖ សួង សាម

from： https://tnaot.com/km/m/detail/article/9552735