ភ្នំពេញ : ស្ត្រីម្នាក់បានរងរបួសធ្ងន់ត្រូវបានបញ្ជូនទៅមន្ទីរពេទ្យភ្លាមៗខណៈ អ្នកបើកបររថយន្តក្រឡុកស៊ីម៉ង់ត៍របស់ក្រុមហ៊ុន ប៊្រីលលាន រីច(ខេមបូឌា)អិលធីឌី បត់ខ្វះការប្រុងប្រយ័ត្នជ្រុលទៅបុកម៉ូតូ គ្រោះថ្នាក់ចរាចរណ៍នេះបង្កការភ្ញាក់ផ្អើល កាលពីវេលាម៉ោង១២ នឹង៣០នាទីថ្ងៃទី៣ ខែសីហា ឆ្នាំ២០២០ ដែលស្ថិតតាមបណ្តោយផ្លូវបេតុង ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញមានម៉ូតូមួយគ្រឿងម៉ាក HOHDA FTR ពណ៍ក្រហមពាក់ស្លាកលេខភ្នំពេញ 1CN -2660 បើកបរដោយបុរសម្នាក់រួមដំណើរនិងស្ត្រីម្នាក់ក្នុងទិសដៅពីកើតទៅលិច លុះមកដល់ចំណុចកើតហេតុនៅខាងមុខចូលទៅក្នុង ក្រុមហ៊ុនប្រ៊ីលលាន រីច(ខេមបូឌា)អិលធីឌី។

ស្រាប់តែមានរថយន្តក្រឡុកស៊ីម៉ង់ត៍ របស់ក្រុមហ៊ុន ខាងលើពណ៍ស លាយខៀវពាក់ស្លាកលេខ ភ្នំពេញ5A 1582មួយគ្រឿងបើកបរដោយបុរសម្នាក់មកពីខាងក្រោយរួចបត់ស្ដាំដៃខ្វះការប្រុងប្រយ័ត្នជ្រុលទៅបុកនិងម៉ូតូពីក្រោយ បណ្ដាលឲ្យស្ត្រីម្នាក់ដួលចូលទៅខាងក្រោមរថយន្តបណ្តាលឲ្យរងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ ចំណែកម្ចាស់រថយន្តរត់គេចខ្លួនបាត់ស្រមោល។

ក្រោយកើតហេតុសម្ថកិច្ចមូលដ្ឋានចុះមកដល់កន្លែងកើតហេតុ រួចទាក់ទងទៅសម្ថកិច្ចជំនាញចររាណ៍ចុះមកធ្វើការវាស់វែងយករថយន្តបង្ក នឹងម៉ូតូជនរងគ្រោះ យកទៅរក្សារទុកនៅអធិការដ្ឋាននគរបាលខណ្ឌសែនសុខដើម្បីរងចាំដោះស្រាយគ្នានៅពេលក្រោយតាមផ្លូវច្បាប់៕ដោយ ផេង ភាព

from： https://tnaot.com/km/m/detail/article/9551176