Sign In 
អាមេរិក ៖ ក្រុមអ្នកពន្លត់អគ្គិភ័យជាង១,៣០០នាក់ កំពុងតែប្រយុទ្ធជាមួយនឹងអគ្គិភ័យដែលកំពុងឆាបឆេះនាថ្ងៃអាទិត្យ នៅភាគខាងត្បូងរដ្ឋកាលីហ្វ័រញ៉ា ដែលបានគំរាមកំហែងដល់មនុស្សរាប់ពាន់នាក់ និងផ្ទះសម្បែង នៅភាគខាងកើតនៃទីក្រុង Los Angeles។
អគ្គិភ័យនេះ ត្រូវបានគេហៅថា Apple Fire ដែលបានផ្ទុះឡើងកាលពីថ្ងៃសុក្រ នៅជិតទីក្រុង San Bernardino បានឆេះជាង៨,០០០ហិកតា ដែលអាចមើលឃើញពីចម្ងាយ។ វាបានបង្កទៅជាផ្សែងយ៉ាងខ្មួលខ្មាញ់ពេញលើមេឃ ដែលអាជ្ញាធរបានប្រកាសការជូនដំណឹងអំពីគុណភាពខ្យល់នៅល្ងាចថ្ងៃសៅរ៍។
យ៉ាងហោចណាស់ មានផ្ទះចំនួន ២,៦០០ខ្នង និងប្រជាជនជិត ៧,៨០០នាក់ត្រូវបានជម្លៀសចេញ ហើយក្រុមមន្ត្រីបាននិយាយថា វាមិនទាន់ច្បាស់ទេថា តើពេលណាពួកគេអាចត្រលប់មកវិញបាន?គិតត្រឹមម៉ោង ១៨:០០ GMT អ្នកពន្លត់អគ្គីភ័យជាង ១,៣៦០នាក់ ដែលកំពុងប្រើប្រាស់ឧទ្ធម្ភាគចក្រ យន្តហោះបូមទឹក និង រថយន្តអគ្គិភ័យ កំពុងធ្វើការពន្លត់ភ្លើង។
មិនមានរបាយការណ៍អំពីអ្នកបាត់បង់ជីវិត និងការខូចខាតទេ ហើយរហូតមកដល់ពេលនេះខូចខាតដល់អគារចំនួន ២ និង ផ្ទះ ១ខ្នង។អាជ្ញាធរបាននិយាយថា អណ្តាតភ្លើងកំពុងឆាបឆេះនៅលើកូនភ្នំ ដែលពិបាកសម្រាប់អ្នកពន្លត់អគ្គិភ័យឡើងទៅដល់។ការស៊ើបអង្កេតកំពុងដំណើរការ ចំពោះមូលហេតុនៃអគ្គិភ័យ ដែលក្រុមមន្ត្រីបាននិយាយថា ប្រហែលវាជាការដុតដោយចេតនា៕ ផ្តល់សិទ្ធដោយ៖ កោះសន្តិភាព
