Sign In 
បច្ចុប្បន្នតែងតែតុបតែងមុខពេលចេញទៅក្រៅ ទៅធ្វើការ ឬមានកម្មវិធីជួបជុំដែរទេ? បើសិនជាបែបនេះ ប្រាកដណាស់ថាអត្ថបទមួយនេះអាចជួយមិត្តនារីឲ្យកាន់តែមានភាពងាយស្រួល និងចេះតិកនិកងាយៗខ្លះក្នុងការតុបតែងមុខរបស់ខ្លួនឯង។
១. លោកអ្នកអាចប្រើខ្មៅដៃគូល័រក្នុងការផាត់ត្របកភ្នែក ចិញ្ចើម និងបបូរមាត់ជំនួសឧបករណ៍ថ្លៃៗផ្សេងទៀត ហើយមិត្តនារីយើងក៏អាចជ្រើសរើសពណ៌ដែលខ្លួនចូលចិត្តបានតាមចិត្តព្រោះថាគូល័រមានច្រើនពណ៌ឲ្យជ្រើសរើស ដោយគ្រាន់តែប្រើដែកកេះ ភ្លើងទៀន ឬអ្វីក៏បានឲ្យតែមានកម្ដៅអាចបន្ទន់គូល័របាន រួចប្រើវាគូស ឬផាត់តុបតែងបានជាការស្រេច។
២. របៀបគូសកន្ទុយភ្នែកឆ្មាគឺមិនមានអ្វីដែលលំបាកខ្លាំងនោះទេ មិត្តនារីៗគ្រាន់តែធ្វើតាមលំដាប់លំដោយនៃរូបខាងក្រោមនេះ ឬប្រើស្លាបព្រាដើម្បីគូសក៏បាន នោះអ្នកនឹងទទួលបានកន្ទុយភ្នែកឆ្មាដ៏សិចស៊ី និងទាក់ទាញ។
៣. បើម៉ាស្ការ៉ាកកប្រើលែងកើតតែវាមិនទាន់អស់ ដូច្នេះអ្នកអាចប្រើទឹកប្រៃ(ទឹកអំបិលក៏បាន)ដាក់ចូលដើម្បីធ្វើឲ្យវាចាប់ផ្ដើមរាវឡើងវិញ និងអាចប្រើប្រាស់បានតាមធម្មតា។
៤. ដើម្បីផាត់ពណ៌ត្របកភ្នែកបានស្អាត និងមើលទៅមានល្បាយសាច់ល្អ អ្នកគួរតែគូសជាគំនូសទ្រូងជ្រូករួចចាំចាប់ផ្ដើមផាត់ត្រង់គំនូស។
ប្រែសម្រួលដោយ៖ រីតា
