Sign In 
ខេត្ដឧត្ដរមានជ័យ ៖ មន្ទីរបរិស្ថានខេត្ដឧត្ដរមានជ័យ «ប្រទះឃើញសាកសពសត្វខ្ទីង ០១ក្បាល បានស្លាប់» នៅក្បែរមាត់ត្រពាំងនោះ កាលពីថ្ងៃទី២០ ខែកញ្ញា ឆ្នាំ២០២០ ។ នេះបើតាមផេកក្រសួងបរិស្ថានបានចេញផ្សាយនាថ្ងៃទី២២ ខែកញ្ញានេះ ។
ក្រោយពីមន្ត្រីឧទ្យានុរក្សស្នាក់ការអូរអំបិល នៃដែនជម្រកសត្វព្រៃសង្ឃរុក្ខាវ័ន បានសហការជាមួយកម្លាំងល្បាតប្រចាំនៅស្នាក់ការអង្គការអភិរក្សសត្វព្រៃកម្ពុជា និងអនុរក្សសត្វដំរី បានចុះល្បាតចាប់ពីក្រោយស្នាក់ការអង្គការ រហូតដល់ចំណុចត្រពាំងតាសារូ ។
បើតាមការសន្និដ្ឋានរបស់ក្រុមល្បាត សត្វខ្ទីងបានស្លាប់ប្រមាណជា០២ខែមុន ដោយបន្សល់នៅតែគ្រោងឆ្អឹង ។
សូមបញ្ជាក់ផងដែរថា ក្បាល និងគ្រោងឆ្អឹងមួយផ្នែកត្រូវបានបាត់នៅសល់មួយផ្នែក ។ ក្រុមការងារល្បាតបានប្រមូលគ្រោងឆ្អឹងដែលនៅសល់យកមករក្សាទុកនៅស្នាក់ការ អង្គការអភិរក្សសត្វព្រៃកម្ពុជា និងអនុរក្សសត្វដំរី ៕ ផ្តល់សិទ្ធដោយ៖កោះសន្តិភាព
