Sign In 
តាមក្បួនហោរាសាស្ត្រ ថ្ងៃអង្គារ៍ ៥កើត ខែអស្សុជ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២២ ខែកញ្ញា ឆ្នាំ២០២០ ឆ្នាំរោង ឆុងជាមួយឆ្នាំច ។
សូមមើលរាសីរបស់លោកអ្នកក្នុងថ្ងៃនេះ ៖ 
ឆ្នាំជូត
រាសីស្រុតចុះ។
ការងារ ៖នៅថ្ងៃនេះដោយសារដួងរាសីបានធ្លាក់ស្រុតចុះ ហេតុនេះលោកអ្នកគប្បីប្រយ័ត្នប្រយែងបញ្ហឯកសារនិងពិសេសរបស់បញ្ញើដែលងាយកើតបញ្ហាចម្រូងចម្រាសណាស់។ក្រៅពីនេះការប្រកបការងារក៏មិនអាចប្រមាថបានដែរបើពុំនោះក៏ងាយទទួលរងការខូចខាតឬបាត់បង់ដូចគ្នា។
ជំនួញ ៖ មិនត្រូវយកភាពឈ្នានីសឬមាត់ឌឺដងដល់អ្នកដទៃឡើយ ព្រោះងាយកើតជម្លោះវិវាទណាស់ហើយស្រួលមិនស្រួលកើតរឿងរាវប្រកាប់ប្រចាក់គ្នាថែមទៀត។
ស្នេហា ៖ ប្រុសស្រីមិនត្រូវប្រកាន់ភាពមោហៈទោសៈដាក់ខ្លួននាំតែជួបបញ្ហាល្អក់កករឥតឈប់ឈរតែប៉ុណ្ណោះ។
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកចង់ពង្រីកមុខរបរឬចុះទុនអ្វីមួយតែងហុចជាផ្លែផ្កាមកវិញគ្រាន់ជាទីពេញចិត្តជានិច្ច។ក្រៅពីនេះបើលោកអ្នកមានគម្រោងការចង់ធ្វើអ្វីក៏តែងផ្តល់ផលគ្រាន់ជាទីពេញចិត្តផងដែរ។
ជំនួញ ៖ ក្នុងថ្ងៃនេះដែរមានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំមួយចំនួនផង។
ស្នេហា ៖ ស្នេហាកំលោះក្រមុំមានការលូតលាស់និងផ្អែមល្ហែមប្រពៃ។
ឆ្នាំខាល
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកចង់ប្រកបការងារអ្វីឃើញថាអាចឈានទៅមុខមួយកម្រិតផង។ក្រៅពីនេះផ្តល់ផលល្អសម្រាប់លោកអ្នកសម្រេចចិត្តបញ្ហាប្រាក់កាសឬការចុះប្រកបរបរអ្វីមួយថែមទៀត។
ជំនួញ ៖ អ្នកប្រកបរបររកស៊ីជួញដូរបើចង់បើកហាងថ្មីឬធ្វើការផ្លាស់ប្តូរមុខរបរថ្មីតែងមានភាពសមដូចប្រកបច្រើន។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំមានការជឿនលឿនទៅមុខនិងមានភាពស្រស់ស្រាយប្រពៃណាស់។
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះបើលោកអ្នកធ្វើអ្វីមួយងាយភ្លាំងភ្លាត់និងជួបបញ្ហាច្រើនហេតុនេះគប្បីមានការប្រយ័ត្នប្រយែង។
ជំនួញ ៖ បើលោកអ្នកមានបំណងចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺនណាស់។ការធ្វើដំណើរទីជិតឆ្ងាយចូរប្រយ័ត្នឧប្បត្តិហេតុបន្តិចបន្តួចយាយី។
ស្នេហា ៖ ប្រុសស្រីមានដំណើរប្រទាំងប្រទើសដែលងាយកើតរឿងជម្លោះវិវាទចំពោះគ្នាតែក៏ងាយផ្អែមល្ហែមដែរ៕
ឆ្នាំរោង
រាសីល្អជាមធ្យម។
ការងារ ៖ ក្នុងថ្ងៃនេះការប្រកបការងារមានការចម្រើនលូតលាស់សន្សឹមៗទៅមុខប៉ុន្តែយ៉ាងណាបើចង់ពឹងពាក់អ្នកដទៃគប្បីប្រយ័ត្នប្រយែងពីព្រោះមិនសូវដូចគាប់បំណងនោះឡើយ។
ជំនួញ ៖ ក្នុងថ្ងៃនេះដែរជួបបញ្ហាលំបាកក្នុងការរកផលចំណូលណាស់ហើយការជួញជិតឆ្ងាយទៀតសោតជួបតែភាពរកាំរកូសច្រើន។ការធ្វើដំណើរទីជិតឆ្ងាយចូរប្រយ័ត្នឧប្បត្តិហេតុយាយី។
ស្នេហា ៖ ប្រុសស្រីបើចង់ធ្វើការជ្រើសរើសគូស្រករពុំសូវល្អទេព្រោះច្រើនជួបគូកម្មច្រើនជាងគូព្រេង។
ឆ្នាំម្សាញ់
រាសីល្អជាមធ្យម។
ការងារ ៖ ដួងរាសីថ្ងៃនេះរបស់លោកអ្នកមិនមានចោទអ្វីជាបញ្ហាធំដុំទេគឺរាល់ធ្វើអ្វីតែងឆ្លើយតបភោគផលជាសន្សឹមៗគ្រាន់កក់ក្តៅជានិច្ច។ការរស់នៅចូរប្រយ័ត្នកូនចៅនិងចាស់ទុំកើតរោគជំងឺដោយប្រការណាមួយ។
ជំនួញ ៖ ស្ថិតនៅលើកំណាត់ផ្លូវរដិបរដុបបន្តិចហើយទាល់តែខិតខំខ្លាំងទើបអាចរកផលចំណូលគ្រាន់ រស់ស្រួលខ្លួន។
ស្នេហា ៖ ប្រុសស្រីក្នុងថ្ងៃនេះកុំគប្បីយកភាពមោហៈទោសៈដាក់ខ្លួនព្រោះងាយកើតជម្លោះវិវាទឈានដល់ការបែកបាក់ណាស់ដែរ។
ឆ្នាំមមី
រាសីខ្ពស់ត្រដែត។
ការងារ ៖ នៅថ្ងៃនេះមានជោគសិរី ហើយធ្វើអ្វីក៏តែងលូតលាស់ទៅមុខគ្រាន់កក់ក្តៅដែរ។ទោះបីយ៉ាងណាការរស់នៅទោះដួងរាសីឡើងខ្ពស់ក៏តោងតែប្រយ័ត្នប្រយែងដែរពីព្រោះថាផលមិនល្អឃើញថាមានខ្ពស់ជាងសព្វមួយដង។
ជំនួញ ៖ ថ្ងៃនេះអាចទាក់ទាញអតិថិជនចាស់ថ្មីឱ្យចូលមកបានគួរជាទីពេញចិត្តនិងពិសេសបើចង់ផ្លាស់មុខរបរថ្មីផងតែងសមដូចប្រកបជានិច្ច។
ស្នេហា ៖ កំលោះក្រមុំឬពោះម៉ាយមេម៉ាយក្តីបើលោកអ្នកចង់ផ្សំផ្គុំគ្រួសារជាឱកាសល្អប្រពៃបំផុត។
ឆ្នាំមមែ
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីមិនត្រូវបំបោលមិនមើលមុខក្រោយឡើយពីព្រោះថាងាយកើតបញ្ហានៅចំពោះមុខណាស់។ក្រៅពីនេះចំពោះការទំនាក់ទំនងការងារការគ្រប់គ្រងកិច្ចការអ្វីមួយតោងតែប្រយ័ត្នប្រយែងដូចគ្នាពីព្រោះថាគ្រោះអាក្រក់នៅយាយីច្រើនជាងសព្វមួយដង។
ជំនួញ ៖ ក្នុងថ្ងៃនេះដែរចំពោះលោកអ្នកដែលចង់ពង្រីកមុខរបររកស៊ីជួញដូរពុំសូវទទួលផលប្រយោជន៍ប៉ុន្មានឡើយគប្បីមានការប្រយ័ត្នប្រយែង។
ស្នេហា ៖ កំលោះក្រមុំឬពោះម៉ាយមេម៉ាយក្តីកើតមានការរកាំរកូសព្រោះតែភាពប្រចែប្រច័ណ្ឌកំពុងលុកលុយ។
ឆ្នាំវក
រាសីល្អជាមធ្យម។
ការងារ ៖ នៅថ្ងៃនេះទោះធ្វើអ្វីក៏ដោយលោកអ្នកតោងតែមានការប្រយ័ត្នប្រយែងពិសេសការធ្វើដំណើរឆ្ងាយជិតងាយទទួលរងការប៉ះទង្គិចជាមួយអ្នកដទៃណាស់។ការប្រកបការងាររបស់លោកអ្នកមានការរីកលូតលាស់ជាសន្សឹមៗទៅមុខឥតមានឧបសគ្គអ្វីធំដុំនាំត្រូវរែកពន់លំបាកនោះឡើយ។
ជំនួញ ៖ ជួបការលំបាកក្នុងការរកផលចំណូលបន្តិចព្រោះលាភច្រើនបោលហួសនិងហោះរំលងជានិច្ច។
ស្នេហា ៖ ប្រុសស្រីកុំលេងម៉េះម៉ោះច្រើននាំកើតជម្លោះវិវាទហើយមានតែរឿងរ៉ាវសៅហ្មងដាក់គ្នា។
ឆ្នាំរកា
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេពិសេសងាយត្រូវចៅហ្វាយនាយចាប់ថ្នាំងថ្នាក់ឬត្រូវមនុស្សចាស់ថាស្តីបន្ទោសផង។ការរស់នៅមានការស្មុគស្មាញនិងលំបាកផ្លូវចិត្តច្រើន។
ជំនួញ ៖ ចំពោះលោកអ្នកដែលចង់ពង្រីកមុខរបររកស៊ីជួញដូរពុំសូវទទួលផលប្រយោជន៍ប៉ុន្មានឡើយគប្បីមានការប្រយ័ត្នប្រយែង។
ស្នេហា ៖ កំលោះក្រមុំឬពោះម៉ាយមេម៉ាយក្តីកើតមានការរកាំរកូសព្រោះតែភាពប្រចែប្រច័ណ្ឌកំពុងលុកលុយ។
ឆ្នាំច
រាសីខ្ពស់ត្រដែត។
ការងារ ៖ នៅថ្ងៃនេះមិនថាក្រុមគ្រួសារឬខ្លួនអ្នកមានភាពស្រស់ស្រាយនិមានការជួបជុំយ៉ាងសប្បាយរីករាយផង។
ជំនួញ ៖ មានការទិញចូលលក់ចេញគ្រាន់បើឯផលកម្រៃទៀតសោតគ្រាន់ជាទីកក់ក្តៅ។ការធ្វើដំណើរទីជិតឆ្ងាយមានតែក្រុមមនុស្សស្វាគមន៍រាក់ទាក់ជានិច្ច។
ស្នេហា ៖ កំលោះក្រមុំបើលោកអ្នកមិនទាន់មានគូគាប់ពេលនេះជាឱកាសល្អក្នុងការស្វែងរកពីព្រោះថាអាចជួបគូព្រេងពិតផង។
ឆ្នាំកុរ
រាសីល្អជាមធ្យម។
ការងារ ៖ នៅថ្ងៃនេះដួងរាសីរបស់លោកអ្នកមិនល្អប្រសើរប៉ុន្មានទេ ដូចនេះធ្វើអ្វីក៏ដោយតោងតែប្រយ័ត្នប្រយែងបើពុំនោះផលលំបាកនឹងរត់ចូលទៀតហើយ។
ជំនួញ ៖ មានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ការធ្វើដំណើរទីជិតឆ្ងាយជួបរឿងសៅហ្មងពិសេសឱ្យប្រយ័ត្នក្រុមមនុស្សព្យាបាទយាយីដោយប្រការណាមួយ។
ស្នេហា ៖ ប្រុសស្រីបើស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការចូលនិយាយដល់ចាស់ទុំបំផុត៕ប្រភព៖ CEN
