ក្លឹបរបស់ Pep Guardiola គឺក្រុមមេឃខៀវ Manchester City កៀកនឹងទិញបានខ្សែការពាររបស់ Bournemouth ម្នាក់គឺ Nathan Ake ក្នុងតម្លៃប្រមាណ ៤០ លានផោន ស្មើនឹង ៥២ លានដុល្លារ។ លើសពីនេះ មានទឹកប្រាក់លក្ខខណ្ឌ័មួយចំនួន ដែលអាចបន្ថែមតម្លៃ ១១ លានផោនបន្ថែមទៀត។

ខ្សែការពារសញ្ជាតិហូឡង់រូបនេះនឹងពិភាក្សាអំពីកិច្ចកុងត្រាផ្ទាល់ខ្លួន និងការដោះដូរនៅប៉ុន្មានថ្ងៃខាងមុខនេះក្រោយមានការបើកភ្លើងខៀវពីក្លឹប Bournemouthដែលបានធ្លាក់ទៅលេង Championship នារដូវកាលក្រោយ។ 

គួរបញ្ជាក់ផងដែរថា Nathan Ake ជាអតីតខ្សែការពាររបស់ក្លឹបតោខៀវ Chelsea និងបានផ្ទេរទៅកាន់ក្លឹប Bournemouth ក្នុងឆ្នាំ ២០១៧ និងបានលេងអោយក្លឹប Bournemouth១០៥ ប្រកួតគិតមកដល់បច្ចុប្បន្ននេះ។

ប្រភព៖ Goal.com

from： https://tnaot.com/km/m/detail/article/9543060