Sign In 
ភ្នាក់ងារព័ត៌មានរដ្ឋរបស់រុស្ស៊ី RIA Novosti បានរាយការណ៍នៅថ្ងៃពុធនេះថា រុស្សីបានប្រកាសពីដំណើរការ នៃការចុះបញ្ជីវ៉ាក់សាំងការពារមេរោគកូវីដ១៩ ដែលជារបស់ប្រទេសនេះផ្ទាល់។
នៅក្នុងកិច្ចប្រជុំរដ្ឋាភិបាលក្រោមអធិបតីភាពរបស់ ប្រធានាធិបតី Vladimir Putin ឧបនាយករដ្ឋមន្ត្រីនៃប្រទេសរុស្ស៊ី លោក Tatyana Golikova បានបង្ហាញពីគម្រោងនៃការចាប់ផ្តើមផលិតវ៉ាក់សាំងចំនួនពីរនៅក្នុងខែកញ្ញា និងខែតុលា។
ក្រុមអ្នករិះគន់បានលើកឡើងថា ការមិនបានបញ្ចេញទិន្នន័យវិទ្យាសាស្ត្រ ស្តីពីការធ្វើតេស្តវ៉ាក់សាំងរបស់ប្រទេសនេះ គឺធ្វើឱ្យមានការព្រួយបារម្ភយ៉ាងខ្លាំង ទៅលើដំណាក់កាល នៃការធ្វើតេស្តវ៉ាក់សាំងទៅលើមនុស្សមិនពេញលេញ។
បើតាមលោក Golikova បានអះអាងថា រុស្សី បានធ្វើការសាកល្បងតេស្តវ៉ាក់សាំង ដែលទទួលបានជោគជ័យបំផុតចំនួនពីរ ដែលត្រូវបានបង្កើតរួមគ្នាដោយវិទ្យាស្ថានGamaleya របស់ក្រសួងសុខាភិបាល និងវិទ្យាស្ថានស្រាវជ្រាវទី៤៨ នៃក្រសួងការពារជាតិ៕ ដោយ៖ត្នោត
