Sign In 
ចោរប្លន់ម្នាក់ បានបន្សល់ទុកម៉ូតូកញ្ចាស់របស់ខ្លួន នៅកន្លែងកើតហេតុ ខណៈប្លន់បានម៉ូតូម៉ាកហុងដាថ្មី
ម៉ូតូកញ្ចាស់មួយគ្រឿង ត្រូវបានបុរសជាចោរប្លន់ ប្លុងទុកចោល នៅចំណុចផ្លូវលំមួយកន្លែង ដែលស្ថិតនៅក្នុងភូមិព្រៃចែក ឃុំកំពង់ព្រះ ស្រុកសង្កែ ខេត្តបាត់ដំបង។
ម៉ូតូកញ្ចាស់មួយគ្រឿងនេះ ត្រូវបានទុកចោល ក្រោយពេលដែលបុរសម្នាក់ មិនស្គាល់អត្តសញ្ញាណ បានធ្វើសកម្មភាព វាយស្រ្តីរងគ្រោះដែលមានមុខរបរលក់ចង្រិត ដើម្បីប្លន់យកម៉ូតូថ្មីម៉ាក់ហុងដាឌ្រីម ពណ៍ខ្មៅ ស៊េរីឆ្នាំ២០១៨ ពាក់ស្លាកលេខ បាត់ដំបង 1AD-2188។
ហេតុការណ៍វាយប្លន់ម៉ូតូនេះ ត្រូវបានកើតឡើង កាលពីវេលាម៉ោង៥ និង៤០នាទីព្រឹកថ្ងៃទី៣០ កក្កដា ឆ្នាំ២០២០។
ស្រ្តីរងគ្រោះមានឈ្មោះ សាយ ស្រីមុំ អាយុ៣៧ឆ្នាំ មានមុខរបរលក់សត្វចង្រិត រស់នៅភូមិបញ្ញា ឃុំកំពង់ព្រះ ស្រុកសង្កែ។
មុនពេលកើតហេតុ ស្រ្តីរងគ្រោះបានជិះម៉ូតូយកចង្រិត ទៅលក់នៅផ្សារព្រៃចែក មកដល់កន្លែងកើតហេតុ ជនដៃដល់បានអង្គុយសំកុក នៅលើម៉ូតូកញ្ចាស់ ចាំស្ទាក់វាយប្លន់នៅតាមផ្លូវ ដោយសុវត្ថិភាព។
ជុំវិញរឿងនេះ សមត្ថកិច្ចកំពុងស្វែងរកចាប់ខ្លួន ជនសង្ស័យជាចោរប្លន់ម៉ូតូ ក្រោយពីមានបណ្តឹងពីស្រ្តីរងគ្រោះ៕ ដោយ៖ត្នោត
