Sign In 
ភ្នំពេញ ៖ លោក លឹម ជាឡាយ ដែលជាតារាសម្ដែងដ៏ល្បីឈ្មោះ និងស្រស់សង្ហារម្នាក់ សង្ស័យតែស្រវឹងស្រាបើករថយន្តលុចស៊ីស RX400h ជ្រុលចង្កូតទៅបុកជញ្ចាំងផ្ទះប្រជាពលរដ្ឋរួមនិងបង្គោលភ្លើងបណ្ដាលឲ្យរថយន្តរងការខូចខាតយ៉ាងដំណំ៕
បង្កការភ្ញាក់ផ្អើលកាលពីវេលាម៉ោង១១ និង៤០នាទីយប់ ថ្ងៃទី២៩ ខែកក្កដា ឆ្នាំ២០២០ នៅតាមបណ្ដោយផ្លូវ២០០២ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
បើតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តបង្កម៉ាក លុចស៊ីស RX400h ពណ៌ស ពាក់ស្លាកលេខ កណ្ដាល 2B-0018 ដែលអ្នកបើកបរគឺជាតារាសម្ដែងលោក លឹម ជាឡាយ បានធ្វើដំណើរតាមបណ្ដោយផ្លូវ២០០២ ទិសដៅពីកើតមកលិច លុះមកដល់កន្លែងកើតហេតុ៕
ដោយសង្ស័យរូបគាត់ស្រវឹងស្រាក៏រេចង្កូតទៅបុកនិងជញ្ចាំងផ្ទះប្រជាពលរដ្ឋ រួមនិងបង្គោលភ្លើងរងការខូចខាតតិចតួចប៉ុណ្ណោះ ក៏ប៉ុន្តែរថយន្តបង្កវិញបានរងការខូចខាតផ្នែកខាងមុខយ៉ាងដំណំ សំណាងល្អដែរដែលមិនធ្វើឲ្យតារាសម្ដែង និងប្រជាពលរដ្ឋណាម្នាក់រងរបួស ។
ក្រោយកើតហេតុភ្លាមៗ សមត្ថកិច្ចមូលដ្ឋានបានចុះមកដល់កន្លែងកើតហេតុដែរ តែដោយពិនិត្យស្ថានភាពត្រង់ចំណុចដែលរថយន្តបង្កបានបុកគឺមិនខូចខាតធ្ងន់ធ្ងរ ទើបសម្រេចចិត្តប្រគល់រថយន្តបង្កឲ្យទៅម្ចាស់អូសយកទៅផ្ទះជួសជុលដោយខ្លួនឯងដើម្បីបញ្ចប់រឿង ៕ដោយ ផេងភាព
