ភ្នំពេញ៖ ស្ត្រីម្នាក់ត្រូវបានក្រុមចោរមួយក្រុមបានធ្វើសកម្មភាពឆក់កាបូបលុយរបស់គាត់យកទៅបាត់។

ហេតុការណ៏ភ្ញាក់ផ្អើលខាងលើនេះបានកើតឡើងកាលពីវេលាម៉ោង៤និង៣០នាទីទៀបភ្លឺថ្ងៃទី៣០ខែកក្កដាឆ្នាំ២០២០

ស្ថិតនៅតាមបណ្តោយផ្លូវ៣៧១សង្កាត់ចាក់អង្រែលើខណ្ឌមានជ័យរាជធានីភ្នំពេញ។

ស្ត្រីរងគ្រោះខាងលើមានឈ្មោះទ្រីសឿន អាយុ៤៣ឆ្នាំមុខរបរលក់ត្រីស្នាក់នៅភូមិទួលពង្រសង្កាត់ចោមចៅទី១ខណ្ឌពោធិសែនជ័យ។

តាមការរៀបរាប់ទាំងទឹកភ្នែករលីងរលោងពីស្ត្រីរងគ្រោះខាងលើបានឲ្យដឹងថា៖ មុនពេលកើតហេតុរូបគាត់បានជិះម៉ូតូដឹកកូនស្រីរបស់គាត់ចេញពីផ្ទះម្តុំផ្សារទួលពង្របំរុងទៅទិញត្រីនៅផ្សារច្បារអំពៅយកមកលក់លុះធ្វើដំណើរដល់ចំនុចផ្លូវ៣៧១ ស្រាប់តែមានជនសង្ស័យមួយក្រុមជិះម៉ូតូ៣គ្រឿងបានមកធ្វើសកម្មភាពឆក់កាបូបលុយពីគាត់យកទៅបាត់ដោយគ្មានការរំខានដល់សមត្ថកិច្ច។

ក្រោយពេលកើតហេតុទើបឃើញមានកម្លាំងសមត្ថកិច្ចខណ្ឌមានជ័យចុះមកដល់កន្លែងកើតហេតុរួចដឹកស្ត្រីរងគ្រោះទៅដាក់ពាក្យបណ្តឹងនៅប៉ុស្តិនគរបាលរដ្ឋបាលសង្កាត់ចាក់អង្រែលើ៕ ដោយ៖ សួង សាម

from： https://tnaot.com/km/m/detail/article/9539136