![](https://kh.tnaot.com/wp-content/uploads/2020/09/c4f01442fc6f11eaac01fda3ef41ee94.jpg)
ប្រទេសថៃ ៖ ដោយផ្គើនទាំងចំហចំពោះព្រះមហាក្សត្រថៃ មហាវ៉ាជីរ៉ាឡុងកន បាតុករច្រើនម៉ឺននាក់ កាលពីថ្ងៃទី២០ ខែកញ្ញា ឆ្នាំ២០២០ បានលើកគ្នាដើរហែក្បួននៅក្រុងបាងកក ដើម្បីបង្ហាញពីការទាមទារទាំងឡាយ ក្នុងនោះមានការអំពាវនាវមួយឲ្យមានការកែទម្រង់នានាដើម្បីកម្រិតអំណាចព្រះមហាក្សត្រ ។
ក្នុងបាតុកម្មដ៏ធំបំផុតពុំធ្លាប់មានចាប់តាំងពីច្រើនឆ្នាំមកហើយនោះ បាតុករច្រើនម៉ឺននាក់កាលពីថ្ងៃទី១៩ កញ្ញា បានសម្ដែងការគាំទ្រចំពោះការអំពាវនាវឲ្យមានការកែទម្រង់របបរាជានិយម ព្រមទាំងឲ្យមានការដកតំណែងនាយករដ្ឋមន្ត្រី លោកប្រាយុទ្ធចាន់អូចា អតីតប្រមុខរបបយោធានិងឲ្យបង្កើតរដ្ឋធម្មនុញ្ញថ្មីមួយព្រមទាំងការបោះឆ្នោត ។ នាថ្ងៃទី២០ កញ្ញា ក្រោយព្រះអាទិត្យរះបន្តិចនៅជិតព្រះបរមរាជវាំងធំក្រុងបាងកក ពួកបាតុករបានយកស៊ីម៉ង់ត៏មកបិទផ្លាកមួយដែលចារពាក្យថា ៉នៅកន្លែងនេះប្រជាជនសម្ដែងពីឆន្ទៈរបស់ខ្លួនគឺប្រទេសនេះជារបស់ប្រជាជន ហើយមិនមែនជាកម្មសិទ្ធិរបស់ព្រះមហាក្សត្រឡើយ ព្រោះព្រះមហាក្សត្របោកប្រាសយើង ។ ប៉ូលិសមិនបានធ្វើអន្តរាគមន៍ហើយអ្នកនាំពាក្យរដ្ឋាភិបាលលោក ANUCHA BURAPACHAISRI ថ្លែងថា ប៉ូលិសនឹងមិនប្រើប្រាស់អំពើហិង្សាប្រឆាំងពួកបាតុករ និងថារដ្ឋាភិបាលនឹងកំណត់ថាតើនឹងត្រូវមានការប្ដឹងដែរឬយ៉ាងណា ចំពោះបណ្ដាសុន្ទរកថាដែលខុសច្បាប់ ។ នាថ្ងៃទី២១កញ្ញាផ្លាកដែលចារថា កន្លែងនេះ ប្រជាជនសម្ដែងពីឆន្ទះរបស់ខ្លួន គឺប្រទេសនេះជារបស់ប្រជាជន ហើយមិនមែនជាកម្មសិទ្ធិរបស់ព្រះមហាក្សត្រ ព្រោះព្រះមហាក្សត្របោកប្រាស់យើង ត្រូវបានគេយកចេញហើយ៕ ដកស្រង់ចេញពីវេបសាយ ៖ yahoo ផ្ដល់សិទ្ធដោយ៖ កោះសន្តិភាព