Sign In 
ស្រីស្អាតរបួសហូរឈាមពេញមុខ ក្រោយពេលសង្សារចាស់បបួលមកផឹកស៊ីនៅហាង រួចផឹកស្រវឹងស្រឿងៗទាស់សម្តីគ្នារហូតឈានដល់ប្រតាយប្រតប់គ្នាផ្អើលប្រជាពលរដ្ឋ
(ភ្នំពេញ) ៖ មានរឿងគួឲ្យភ្ញាក់ផ្អើលមួយបានកើតឡើង ក្រោយពេលនារីរូបស្រស់ម្នាក់បានរងរបួសហូរឈាមពេញមុខ បន្ទាប់ពីបុរសម្នាក់ដែលជាសង្សារបានបបួលមកផឹកស៊ីក្នុងហាង ហ្គោលឌិនសូរិម៉ល លុះដល់ពេលស្រវឹងស្រឿងៗរាងខ្លួនស្រាប់តែទាស់សម្ដីគ្នា មិនដឹងថាមានជម្លោះអ្វីខ្លះបានកើតឡើងនោះទេ ហើយក៏ដើរចេញទៅខាងក្រៅ ប្រតាយប្រតប់គ្នាឈានដល់កើតមានហិង្សាឡើងបណ្ដាលឲ្យនាងឈាមច្រមុះ និងមុខចំណែកឯខាងប្រុសវិញមានស្នាមរបួសត្រង់កបន្តិចបន្តួច។
ហេតុការណ៍នេះបានកើតឡើងកាលពីវេលាម៉ោង០០ និង២០នាទីយប់ ឈានចូលថ្ងៃទី២១ ខែកញ្ញា ឆ្នាំ២០០នេះ ស្ថិតនៅក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
ប្រភពពីប្រជាពលរដ្ឋ បានឲ្យដឹងថាមុនពេលកើតហេតុគេឃើញសង្សារមួយគូរ បានអង្គុយតុផឹកស៊ីជុំគ្នាស្រាប់មួយសន្ទុះក្រោយមក ឃើញដើរចេញមកក្រៅមិនដឹងថាមានខឹងរឿអ្វីនោះទេ ក៏ឈានទៅដល់ការវាយតប់គ្នាហើមមុខនិងឈាមច្រមុះ។ ដោយឃើញបែបនេះក៏បានប្រាប់ទៅដល់សមត្ថកិច្ចឲ្យចុះមកជួយអន្តរាគមន៍ភ្លាមៗ រួចឃាត់ខ្លួនសង្សារមួយគូរយកទៅប៉ុស្តិ៍នគរបាលរដ្ឋបាលសង្កាត់ផ្សាថ្មីទី៣ ដើម្បីសម្រួលបញ្ចប់រឿង ៕
