ក្លិបបាល់ទាត់ Manchester City នៅតែបន្តចិញ្ចឹមចិត្តចង់បានខ្សែការពារ Kalidou Koulibaly ពីក្លិប Napoli។ ក្លិបរបស់លោក Pep Guardiola ចង់បានការពង្រឹងផ្នែកការពារហើយខ្សែការពារកណ្តាលរបស់ Napoli គឺកីឡាករ Koulibaly កំពុងស្ថិតក្នុងការចង់បានពីសំណាក់គ្រូបង្វឹករូបនេះដដែល បើទោះបីជាក្លិប Napoli ធ្លាប់បានបដិសេធសំណើម្តងរួចក៏ដោយ។

បើយោងតាមលោក Fabrizio Romano ដែលជាអ្នកកាសែតមានឈ្មោះល្បីល្បាញខាងវិភាគកីឡា បានឱ្យដឹងថាក្លិប Manchester City នៅតែកំពុងពិភាក្សាជាមួយនឹង Napoli ដើម្បីស្នើសុំចុះហត្ថលេខាលើខ្សែការពារ Koulibaly ក្នុងអំឡុងពេលទីផ្សារដោះដូរកីឡាកររដូវក្តៅនេះ។

យ៉ាងណាមិញ Man City នឹងត្រូវប្រជែងជាមួយក្លិប Paris Saint-Germain ផងដែរ ដែលកំពុងចង់បានខ្សែការពាររូបនេះដូចគ្នា៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9712180